فضحية في التعليم.. من مدرس ملتحي
الفيديو المتداول صاحبه تعليق: "اللي في الفيديو دا احمد ابن اختي احمد طفل مهذب جدا وكل غلطته إنه طلع وقف بره الفصل والمدرس مكنش موجود، بس بغض النظر هو طفل وممكن يغلط بس مين يدي الحق للمدرس المحترم إنه يضرب الولد بالطريقه المهينة دي قدام زمايله طبعا الفيديو دا كان في الآخر بعد ماخلص ضرب أصحابه كانوا قاعدين يعيطوا عشانه وربنا ألهمهم انهم يصوروا المدرس وهو بيضربه عشان احمد يعرف يجيب حقه".
وأضافت ناشرة الفيديو: "وبالفعل اتعمل فيه محضر وحقه هيجيله، محدش يتخيل الولد مأذي نفسيا ازاي كل مايشوف الفيديو دا انا ضد انه يتنشر بصراحة عشان خاطر احمد بس احنا نشرناه لان زمايل المدرس المحترم عاملين حملة تضامن معاه ومعلقين صوره وضد إهانه المعلم، طيب واحمد مين ضد إهانته وناسيين إن الأسلوب دا يتنافي تماما مع جميع أساليب التربية السليمة، ويتنافي مع تعاليم الإسلام اللي التزم المعلم المحترم منه باللحية وأسلوبه بعيد كل البعد عن تعاليم الإسلام، ونسي حديث الرسول عليه الصلاة والسلام (إذا قاتل أحدكم أخاه فليجتنب الوجه فإن الله خلق آدم على صورته)".
وتابعت: "طبعا المدرسة كلها بتتحايل عليها إنها تتنازل بس حقيقي لو اتنازلتي هتكون أكبر غلطة بتغلطيها في حق ابنك اوعي تتنازلي انا مش فاهمة هما ازاي مش عاوزين الأطفال تكره التعليم والمدارس، المدرسين دول محتاجين إعادة تأهيل نفسي للقيام بعملية التربية ويعرفوا إنهم بيتعاملوا مع بني آدمين مش حيوانات".
"الفجر" تواصلت مع ولى أمر الطالب إيهاب أحمد بالصف السادس الابتدائي، الذي أكد أنه اتخذ الإجراءات القانونية ضد هذا المعلم وحرّر محضرًا ضده، وروى لـ"الفجر" تفاصيل الواقعة، قائلا إن الفصل كان يعانى من حالة غوغائية، واستخدم الطلاب "الاسبراى"داخل الفصل ولذلك خرج ابنه خارج الفصل لأن أصابته حاله من الاختناق، وحينما راءه ذلك المعلم الذي كان مشرف الدور حينها، أنذره أن يدخل الفصل ولا يقف بالخارج.
وتابع: "ولكن الفصل كان مازال على ما هو عليه من حالة الغوغائية لذلك خرج ابني مرة ثانية خارج الفصل، وعندما رآه المعلم للمرة الثانية خارج الفصل قال له: " أنت تانى؟!" ثم انهال عليه بالضرب واللكمات.
وأكد ولى الأمر أنه ابنه يعانى من حالة نفسية شديدة عقب هذه الواقعة، مؤكدا أنه يريد من الدكتور الهلالي الشربينى وزير التربية والتعليم اتخاذ الإجراءات القانونية ضد هؤلاء المعلمين الذين يسببون أضرارًا نفسية للطلاب.
اللي في الفيديو دا احمد ابن اختي احمد طفل مهذب جدا وكل غلطته إنه طلع وقف بره الفصل والمدرس مكنش موجود ،بس بغض النظر هو طفل وممكن يغلط بس مين يدي الحق للمدرس المحترم إنه يضرب الولد بالطريقه المهينة دي قدام زمايله طبعا الفيديو دا كان في الآخر بعد ماخلص ضرب أصحابه كانوا قاعدين يعيطوا عشانه وربنا ألهمهم انهم يصوروا المدرس وهو بيضربه عشان احمد يعرف يجيب حقه وبالفعل اتعمل فيه محضر وحقه هيجيله ، محدش يتخيل الولد مأذي نفسيا ازاي كل مايشوف الفيديو دا انا ضد انه يتنشر بصراحة عشان خاطر احمد بس احنا نشرناه لان زمايل المدرس المحترم عامليين حملة تضامن معاه ومعلقين صوره وضد إهانه المعلم طيب واحمد مين ضد إهانته وناسيين إن الأسلوب دا يتنافي تماما مع جميع أساليب التربية السليمة ويتنافي مع تعاليم الإسلام الللي التزم المعلم المحترم منه باللحية وأسلوبه بعيد كل البعد عن تعاليم الإسلام ونسي حديث الرسول عليه الصلاة والسلام ( اذا قاتل أحدكم أخاه فليجتنب الوجه فإن الله خلق آدم علي صورته ) طبعا المدرسة كلها بتتحايل عليها انها تتنازل بس حقيقي لو اتنازلتي هتكون أكبر غلطة بتغلطيها في حق ابنك اوعي تتنازليانا مش فاهمة هما ازاي مش عاوزين الاطفال تكره التعليم والمدارس !!!المدرسين دول محتاجين إعادة تأهيل نفسي للقيام بعملية التربية ويعرفوا إنهم بيتعاملوا مع بني آدمين مش حيواناتMinistry of Education (Egypt)وزارة التربية والتعليم - الصفحة الرسميةوزارة التربية والتعليم المصرية,Egypt Ministry of Education Posted by Omnia Fkry on Monday, April 4, 2016
شاهد المحتوى الأصلي علي بوابة الفجر الاليكترونية