تعلم معنى الوفاء ..استرالي تزوج حبيبته بعد أن اصبحت مشوهة اليدين والوجه بسبب احدى الحرائق

خاص لموقع الحق والضلال

كتبت: نورهان عبدالله

نشرت صفحة "تجربة " على الفيس بوك موقف يعبر عن الإنسانية والوفاء والإخلاص والحب لزوجين يعيشان في استراليا وقد تعرضت الزوجة إلى تشوها في يدها ووجها وذلك لم يمنع زوجها من الوقوف بجانبها بل زادت محبته لها .

تقول القصة :

ده ( مايكل ) ظابط شرطة و دى زوجته ( توريا ) من استراليا يعرفوا بعض من وهما عندهم 7 سنين كانوا أصدقاء مع الوقت حبوا بعض وكانوا ناويين ع الجواز فى 2011 حصل مجموعة حرائق متتالية فـ غابات استراليا والنار وصلت لـ أماكن فيها ناس كتير للأسف النار مسكت فـ ( توريا ) وحرقت 65% من جسمها ! كف إيدها النار أكلته وشوهت باقى جسمها كله يعنى بمقاييس البعض مبقتش تنفع ست تانى وجودها ع الحياة ونجاتها اساساً معجزة اتحجزت فـ المستشفى 5 شهور كاملين ! ( مايكل ) إستقال من الشرطة لأن وظيفته كانت بتخليه يبقى بعيد عنها مدة كبيرة واكتفى بوظيفة صغيرة لمدة 4 ساعات بس فـ اليوم وباقى اليوم هو ووالدته ( حماتها ) كانوا بيبقوا مع ( توريا ) الدكاترة قالوا إن خيار التجميل كان مستحيل وإن عاشت هتعيش مشوهة ( توريا ) خفت إتجوزوا ( مايكل ) ما اتكسفش ؟ ماخلعش ؟ أُمه مقالتلوش سيبك منها إيه ذنبك تأخد واحدة مشوهة ؟ لأ طب إيه ؟ ( مايكل ) بيقول لـ cnn : ( أحببت عقل ، جسد ، مرح و روح " توريا " حقاً فقدنا فقط جزء من جسدها لكنها تظل إمرأة كاملة بنظرى فى كل الأحوال