مقال بقلم مسيحي ... احنا بنعبد إله واحد مش تلاته

مقال بفلم لي لي جورج حصري لموقع الحق والضلال
مقال بقلم مسيحي دا انا بكتبه عشان اوضح مفاهيم خاطئه عند اخويا المسلم عني
هو بيحبني وبيحترمني لكن من جواه برضو نفسو يقولي انتو عندكم حاجات كتير غلط وازاي بتقولو كدا وفيه بعض الناس بتكفرنا وفيه اللي بيقول احنا مشركين بالله , هدفي من المقال دا ان اوضح لاخويا وحبيبي المسلم اننا مش مشركين ولا اي حاجه من دا خالص
دا إحنا قانون الايمان المقدس الارثوذكسي عندنا بيقول : بالحقيقة نؤمن بإله واحد، الله الآب، ضابط الكل، خالق السماء و الأرض ,,, طيب الله ازاي بتقول انكم بتعبدو اله واحد وفي نفس الوقت تلاته انا هحاول ابسطهالك بامثال بسيطه عشان تقدر تفهمني
الانسان : هو نفس وروح وجسد
3 في واحد , 3 حاجات منفصله لكن بترجع لحاجه واحده في الاخر وهي الانسان
الشمس : هي نور وحراره وقرص الشمس اللي انت بتشوفه
اذن هي برضو 3 حاجات لكن كلهم اسمهم شمس في الاخر
المثلث هو ليه 3 ضلوع لكن في الاخر هو مثلث واحد
كذلك وبلا شبه
الله = آب + إبن + روح قدس
إذن إيماننا بالله الآب الذي يمثل ذات الله لأنه أصل الوجود وعِلة كل شيء فيه، وكلمته الذي نطلق عليه الابن لأنه قدرته المولود منه والذي به صنع الوجود وبدونه لا يعمل شيئًا، وروح قدسه الذي هو روح الحياة فيه والذي به يعطي الحياة لكل موجود.وبالإجمال إله واحد؛ موجود بذاته، وحي بروحه، ناطق بكلمته.
واضح إذًا في هذه العقيدة أنها إيمان بإله واحد له ذات واحدة. وهذه الذات تتمتع بالنطق والحياة. وبدون النطق يكون إلهًا أعجميًا مجردًا من العقل والنطق، ومن ثِمَّ لا يمكن أن يكون خالقًا للوجود ولا يصح أن يكون إلهًا. وبدون الروح وهو تيار الحياة فيه يكون إلهًا ميتًا ومن ثَمَّ لا يكون إلهًا!
إذًا الله إله واحد ثالوث. واحد في ذاته، ثالوث في خصائص كيانه؛ الوجود والنطق والحياة. الوجود بالذات والنطق بالكلمة والحياة بالروح. والذات هي ذات الله والكلمة هو كلمة الله والروح القدس ينبثق من ذاته القدسية لذلك يسمى روح القدس. وهي جواهر أساسية بدونها لا يتقوَّم كيان الذات الإلهية.
ارجو ان اكون اوضحت اللبس في هذا الموضوع وسوف اقدم لكم المزيد عن المفاهيم الخاطئه