مقال بقلم مسيحي ... هل الله تزوج من العذراء مريم لكي تنجب المسيح الذي يدعي ابن الله
مقال بقلم ليليان جورج حصري لموقع الحق والضلال
متابعه لسلسه مقالات (مقال بقلم مسيحي) نستعرض امر اخر وهو
هل الله له كل العظمه والمجد يتزوج لكي ينجب المسيح كما نقول نحن المسيحيين المسيح ابن الله ,, حاشا لله طبعا
طيب اخويا المسلم واختي المسلمه مش فاهمين احنا زاي بنقول المسيح ابن الله وفي نفس الوقت الله لم يتزوج قطعاً
كلمه المسيح ابن الله هي كلمه تعبيريه مش حرفيه زي ما كتير فاكرين ان المسيحيين بيقولو ابن الله يبقا الله تزوج وتناسل عشان يخلف المسيح و يبقا ليه ابن . فكلمه ابن الله في المسيحيه هي تعبيريه مثال علي كدا احنا بنقول ابن مصر او ابن سبيل , ابن المستقبل ,ابن البلد , ابن النيل وغيرها كتير من التعبيرات المجازيه
مفهوم "ابن الله" في الانجيل ينفي البنوه الجسديه لله , الانجيل بيقول حاورت القديسة مريم الملاك جبرائيل بهذا الشأن وقالت له : " كيف يكون هذا وأنا لا أعرف رجل ؟ أجاب الملاك وقال لها " الروح القدس يحل عليك وقوة العلى تظللك لذلك القدوس المولود منك يدعى إبن الله
ابن الله لانه تعبير مجازي لان العدرا مريم لم تتزوج ولم تعرف رجلا ولكنها حملت بكلمه من الله فالمسيح مش مولود ولاده بشريه طبيعيه زي اي مولود بشري عادي هو اتولد بكلمه من الله وهو دا اللي بنسميه التجسد ,, طيب ليه حصل التجسد عشان العالم كان في خطيه متوارثه من ادم وحوا وكمان في خطيه علي الارض من البشر نفسهم فلازم حد ينزل بتعاليم ويبقا بشر زيهم عشان يعرف يفهمهم التعاليم دي ويرشدهم للصح وألا هيفضلو يعبدو اوثان وحيوانات ويعيشو في زنا وخطايا كتيره
دا شرح بسيط جدا غير متعمق وارجو ان يكون وصلكم تفسيري البسيط لان احب دايما اننا نكون مسلم ومسيحي ايد واحده بجد مش كلمه ونحب بعضنا ونفهم بعضنا واننا كلنا بنعبد اله واحد خالق السموات والارض