بالصورة ..صحفي مصري يحكي عن زيارته لجزيرتى تيران وصنافير من خلال تجربته الصحفية
خاص لموقع الحق والضلال
كتبت: نورهان عبدالله
نشر الصحفي الشاب "مصطفى درويش" على صفحته الشخصية تجربته مع زيارة جزيرتى "صنافير وتيران " ، بعد القرار الذي صدر من رئاسة الجمهورية بعودة الجزيرتين إلى السعودية والتي اثارت ضجة كبيرة داخل المجتمع المصري ، فلم يتوقف الصحفي الشاب عند زيارة المكان بل كشف ما يحدث داخل الجزيرة وماهى الأولويات والموقومات التي ربما ادت إلى حدوث ذلك كاشفاً النقاب عن رأى العاملين هناك بعد بيع الجزيرتين .
فيقول "مصطفى درويش" :"من صورى لجزيرة تيران انهاردة
روحت انهاردة عملت تقرير عن رأى العاملين فى مجال السياحة فى شرم الشيخ اللى كلهم متضررين من موضوع الجزيرة, و لان التقرير مش هيتنشر قبل اسبوع حبيبت اقولكم على اللى الناس اتكلمت فيه
-الناس بيتكلمو فى نقط غير اللى بنتكلم فيها عالسوشيال ميديا
-موضوع الجسر لو اتبنى هيأثر على الحياة المائية باعتبار ان الشعب المرجانية كائنات حساسة و مينفعش تحطلها عواميد هتقتل الشعب المرجانية و تقريبا زى ما الناس قالتلى هتقضى عالحياة المائية فى المنطقة دى
-اغلب السياح لما كانو بيجو قبل ازمة الطيارة الروسية كانو بييجو عشان يعملو غطس و سنوركلينج فى المكان ده
-بيسألو طب لما تبعيتهم تكون للسعودية, السياح هتبقى وجهتها السعودية مثلا؟ هييجو شرم يعملو دايفنج فى المكان ده ازاى؟
-محدش بيروح الجزيرة نهائى فعلا ولا حد زى مالناس بتقول بيروحو يعملو رحلات سفارى ولا كلام من ده
-الاستفادة منها هى ان محيط الجزيرة اللى فيه الشعب المرجانية و المناظر الجميلة دى تابع لمصر
-فيه ناس معندهاش مشكلة الجسر يتعمل بس اهم حاجة عندها الجزيرة تفضل تابعة لمصر
-الناس كلها مش بيتكلمو فى سياسة ولا ليهم علاقة بقرارات سياسية و كل همهم ان مراكز الغطس تفضل شغالة و موضوع الجزيرة ده اكبر مصدر شغل لمراكز الغطس و حاجات تانية كتير زى المحلات اللى عالمرسى
-الناس عارفين ان هيتقالهم فى يوم من الايام خلاص ليكم حدود و مش هينفع تروحو ناحية الجزيرة تانى, امته ده هيحصل هما مش عارفين".
صور للصحفي من داخل الجزيرة :
