أديب لـ منتقدي السيسي واجهوا نفسكم بدل ما بتبيعوها بزيت وسكر

قال الإعلامي عمرو أديب، إن البعض انتقد الرئيس عبد الفتاح السيسي؛ لأنه قال إن فرنسا دولة كبيرة وعظيمة لكن مصر لديها ظروف خاصة، وأنها مازالت وليدة الديمقراطية، مشيرين إلى أنه يقلل من مصر وقوله إنها دولة ليست عظيمة ومصر ليست وليدة.

وتابع "أديب"، خلال برنامجه "القاهرة اليوم"، المُذاع على فضائية "اليوم"، "عايز أسأل سؤال هي الآمية في أمريكا قد إيه وفي مصر قد إيه عشان اللي بيقولوا مصر عظيمة وإن الرئيس بيحقَّر مصر" مضيفًا: "مصر وليدة الديمقراطية وأقل لم تولد بعد، ولكننا نستحق أفضل ونستحق الديمقراطية ونستطيع أن نمارسها".

وأضاف: "في فروق كبيرة بين مصر وأمريكا وفرنسا، مصر مفيش فيها سيدة تقدر ترشح نفسها للانتخابات الرئاسية، لكن أمريكا كلينتون في الغالب هتكسب إحنا عندنا برلمان عاوز يقفل ثلاث أرباع مصر؛ عشان محدش يقربله، عمرك سمعت في الكونجرس إن في عضو اتطرد لأنه بيكلم رئيس الكونجرس بشكل غير لائق؟".

ونهى حديثه، قائلًا: "في فرق كبير بيننا وبينهم ومصر طبعًا وليدة في الديمقراطية، إحنا يوم ما عملنا انتخابات، كام نسبة اللي شاركوا فيها؟، سمعتوا عن مواطن أمريكي بياخد زيت وسكر أو بيبيع صوته ما تواجهوا نفسكوا".

نقلا عن الدستور