مقال بقلم ليليان جورج .. الي من قالو ان الكنيسه هي ملهي ليلي لتقابل الشباب والفتيات بها

مقال رقم 6 من سلسله مقال بقلم مسيحي

بقلم ليليان جورج كاتبه لموقع الحق والضلال

ناس كتيره من احبائي المسلمين بيشوفو شباب وبنات في الكنيسه وبيستغربو وبيقولو هو دا مكان للصلاه ولا ملهي ليلي بيتقابلو فيه الشباب والفتيات , المقال دا هوضح فيه ايه الهدف من تقابل الشباب والفتيات داخل الكنيسه
هدف الكنيسه من الاختلاط هو من منظور روحي وليس جسدي شهواني ودا عشان الشباب ينشأو في بيئه سليمه وسطيه بعيده عن التزمت والكبت لان الوسطيه والحرص مطلوبان والكنيسه تضع قواعد للتعامل دا , مش سيباها كدا وخلاص وبتوعي الشباب دايما ازاي كل واحد منهم يفهم طبيعه الجنس الاخر وينظرله نظره صحيحه ويحترم فكره وكيانه ويبعدوهم تماما عن الفكر الشهواني الجسدي فالاجتماعات والندوات المشتركة والرحلات تكون فى مخافة الله والقيم الروحية والاخلاق والعفاف المسيحي . اختلاط الشباب والشابات غير مرفوض لما يكون في النور لان لازم الشباب والشابات هيختلطو ببعض سواء في شارع او مدرسه او رحله او مصيف او اي مكان فلما نوعيهم ازاي يكون الاختلاط دا سليم هينشأو في مجتمع سليم وناجح يتم التعامل فيه بطهاره ووقار ينظر فيه الانسان للأخر نظرة بسيطة مقدسة طاهرة وينظر للأخر كأبن لله وليس كجسد يشتهيه .
اكبر خطأ اننا نخلي اجيال الشباب في كبت واننا نحاول ان نمنعهم من الاختلاط بالقوه لان دا بالتأكيد هيخلق حواجز نفسيه بين الجنسين وهيؤثر تأثير سلبي علي حياتهم في كافه المجالات وكمان هيأثر علي حياته المستقبليه الزوجيه في الاختيار المناسب والمعامله مع الشريك الاخر , ياما مجتمعات حرمت الاختلاط وعملت كبت بتقييد الفتاه بلبس معين والشاب ما ينفعش يبص للفتاه دي واخرتها بتكون كبت بينتج عنه فكر غير سليم ونظره شهوانيه وبالتالي يؤدي الي حالات الاغتصاب الكتيره اللي بنسمع عنها .
لازم يكون فيه توعيه مع شبابنا ولا نحرم العلاقات طالما هي في النور وتحت اعين الكنيسه واسر هؤاء الشباب ولكم مني كل الاحترام والتقدير وارجو ان اكون اوضحت هذه الاقاويل في مقالي دا .