قصة حب فتاة مصرية تكللت بالزواج من ايطالي

خاص لموقع الحق والضلال

كتبت:نورهان عبدالله

انتشر على الفيس بوك في ايفينت "صورتك مع خطيبك " قصة الفتاة المصرية التي تزوجت ايطالي فتقول :"

اتقابلنا صدفة 18/12/2013
هو ايطالي و انا مصرية ،اتعرفنا علي بعض و تاني يوم رجع ايطاليا و سابلي تذكار علشان افتكرة و افتكرت القصة خلصت هنا
و قلت هتكون احلي ذكري عدت عليا بس رجعلي و بقي ينزلي مصر كتير اتعلقت بية بس بخوف ،قلتلة انا خايفة اتعلق بيك تروح و مترجعش قالي انتي مش هتكوني لحد غيري

انا من يوم ما شفتك و سلمت عليكي مبقتش بفكر غير فيكي انا سبت شغلي و اهلي علشان بس اكون معاكي و عندي استعداد افضل هنا بقيت عمري بس تكوني ليا.

تتجوزيني؟!

انا جايلكو البيت النهاردة ( قبل ما يرجعة ايطالي بيوم)
مصدقتش نفسي فرحة، ربكة، قلق، خوف، توتر كوكتيل مشاعر ميتوصفش
قلت لاهلي انة جاي النهاردة يكلم بابا رفضو رفض تاام قلتلهم طيب اقعدو معاة و بعدين ارفوضوه
بس الي حصل عكس كدا اهلي وافقو من فرحتة قالي ننزل حالا نجيب الدبل عايز اي حد يشوفك يعرف انك بتاعتي انا بس " و اتخطبنا 28/5/2014

عدت مشاكل و مواقف كتييير اوي لدرجة اني ياست اننا نكمل بس ربنا كان دايما معانا كان بيمدنا بقوة اننا نكمل
لحد ما كتبنا كتابنا يوم 28/9/2014 بقيت مراتة علي سنة الله و رسوله 😊 وعدني و كان راجل قد.كلمتة و وفي بوعدة
عيطنا من فرحتنا فعلا كنا قربنا نفقد الامل "" احنا فعلا بقينا لبعض بعد كل دا ""

9/2/2015 يوم بعمري يوم فرحنا و بعد الفرح سافرنا عريس و عروسة ايطالي
28/9/2015 عملنا فرح تاني في ايطاليا يوم عيد جوازنا لما بقيت علي اسمة و كتبنا الكتاب

كنا اقوي من اي مشكلة بتقابلنا together strong

قبل ما اعرفة كنت متدمرة نفسيا كنت فاقدة الثقة في اي حد كنت واخدة قرار اني عمري ما هدخل علاقة مهما كانت لان الي شفتة قبلة مكنش قليل اتبهدلت كتير اوي في حياتي بس ربنا عوضني بية عن كل ده".