كيف تقدسون الصليب وتتزينو به اليس هو رمزاً للعار ويجلب اللعنه علي من يعلق عليه

مقال رقم (7) من سلسله مقالات {مقال بقلم مسيحي

بقلم ليليان جورج كاتبه لموقع الحق والضلال

تعرضت لهذا السؤال من قبل من العديد من اخواتي المسلمون ولما حاولت استفسر من اشخاص تانين هما برضو عندهم نفس الاعتقاد دا لقيتهم بيقولولي نفس الكلام اللي هو انتوا ازاي بتقدسوا الصليب وبتلبسوه في سلسله تتزينو بيه وتحطوه في كل مكان في البيت وهو المفروض رمز للعار والمفروض انكم تكرهوه لان اتصلب عليه المسيح بدل ما انتو بتبوسوه وتقدسوه
اسمحولي اوضح الرد بطريقه بسيطه اللي عنده نفس السؤال دا ومش عارف يسالو لمسيحي او مُحرج منه
الصليب قديما كان فعلا اداه للتعذيب والقصاص عند الرومان وكان الصلب هو اقصي عقوبه لافظع الجرائم وفعلاً قد قيل قديماً ملعون كل من علق على خشبة أي على الصليب
طيب ازاي بعد كل الكلام دا انتو بتقدسوه ؟؟ هجاوبك يا اخي العزيز علي السؤال دا
السيد المسيح لما اتصلب علي الصليب عشان يفدينا من خطيه ادم وحوا اللي حكمت علي كل البشريه بالموت حول الصليب من رمز للعار الي رمز للمحبه والفداء ورمز للحياه وحوله من شيئ مفزع الي فرح لانه خلصنا من خطيتنا بدمه الطاهر
طيب دا مش سبب كافي اني اتزين بالصليب اللي فداني واللي شال عني خطيه ادم وحوا لما عصوا اوامر الله واكلوا من الشجره اللي أمرهم ان لا ياكلو منها . نعم عزيزي لابد ان افتخر بالصليب كقول بولس الرسول
وأما من جهتي، فحاشا لي أن أفتخر إلا بصليب ربنا يسوع المسيح
اشكركم احبائي علي تساؤلاتكم وارجو ان نتمتع بروح الوحده والمحبه والتسامح جميعا ولا يبغض بعضنا الاخر