ليليان جورج تكتب .. المسيحيين بيشربو خمرا في الكنيسه والخمرا عندهم حلال

مقال رقم (8) من سلسله مقال بقلم مسيحي

للكاتبه ليليان جورج كاتبه بموقع الحق والضلال
الكلمه دي سمعتها كتير قبل كدا من اشخاص مسلمين يجهلون للاسف الدين المسيحي فلقيتهم بيقولولي انت عندكم شرب الخمرا حلال وكل المسحيين بيشربو وسكي , دا انتو حتي في الكنيسه القسيس بيشربكم خمرا
ارجو منكم انكم ماتسمعوش كلام بس من غير ما تتأكدو من صحه الكلام دا والمقال دا عشان يفهم اي انسان واخد معلومات غلط ان المسيحيين عندهم شرب الخمرا حلال .
مبدئيا كدا وقبل اي كلام عاوزه اقولكم علي ايات في الكتاب المقدس بتتكلم عن حُرمانيه الخمر في المسيحيه
في العهد الجديد (أي الإنجيل)، جاءت هذه الآيات: "ولا تسكروا بالخمر الذي فيه الخلاعة، بل إمتلئوا بالروح (أي بالروح القدس) (أفسس 5: 18).
وآية أخرى تقول: "لا تضلوا. لا زناة ولا عبدة أوثان و لا فاسقون .ولا سارقون ولا طماعون، ولا سكيرون يرثون ملكوت الله" (1 كورنثوس 6: 9 و 10). فنرى أنه وضع السكيرين بجانب الزناة والسارقين.
يبقا ازاي احنا عندنا الخمرا حلال , طيب والناس اللي بتقول اننا بنستخدم الخمرا في التناول هقولكم لا هي مش خمرا ومفهاش اي كحول عشان تبقا خمرا دا عنب مش خمر ولا نبيت
طيب ليه التناول ؟؟ اتخذ السيد المسيح عصارة الكرمة لتشير إلى دمه المقدس الذي نتناوله فيسري في عروقنا ليقدس دماءنا وكياننا الداخلي كله
إذن فالسيد المسيح لم يعطنا عصير الكرمة لنتلذذ به ونسكر به، بل أعطاه لنا لهدف مقدس كسر طاهر لا يدركه إلا المؤمنون
واخيرا عاوزه اقولكم علي حاجه ان المؤمن الذي قبل المسيح في قلبه لا يحتاج إلى نشوة الخمرة لان الله يملأ قلبه بالفرح الحقيقي.