سؤال للبنات ..هل ممكن تتنازلي عن النيش والشبكة ؟

خاص لموقع الحق والضلال

كتبت:نورهان عبدالله

النيش الدهب كلها مسميات تتطلبها العروسة في جهازها وربما تكون احدى الكمليات التي تحتاجها لتظهر بمظهر جيد أمام اقاربها ، ولكن هناك فتيات لا يقبلن بهذه الفكرة نهائياً ، وأن هذه مجرد شكليات عفى عليها الزمن ، وكان رد بعض الفتيات "أيوه ممكن نتجوز من غير نيش" ، فقالت احدهم :" النيش ده شئ مش مهم في الجهاز وهو عقبة في حياة البنت ، ومكلف جداً ، وفي الاخر مجرد شئ عشان ازوق بيه البيت وأنا حالياً متجوزة وماعنديش نيش لكن الشبكة ده شئ اساسي ".

وعلقت أخرى : " بصراحة أنا لسه في مرحلة الخطوبة ولكن احب أن يكون عندي نيش احفظ فيه الحاجة عشان لو جالي ضيوف اقدر اظهر بمظهر كويس ادامهم واستقبلهم بطريقة كويسة واقدملهم الطعام في افخر حاجة / لكن الشبكة مهمة جداً طبعاً مفيشش بنت بتتجوز من غير شبكة لكن ممكن يكون سعر الشبكة رمزي شوية ".

وعلقت احدى الفتيات التي لم يسبق لها تجربة الارتباط قائلة : " لما ارتبط اكيد هفكر في الموضوع ده ، لكن أنا حالياً بقدم على ماجستير واظن أن موضوع النيش والشبكة دلوقتي بالنسبالي كلام مش مهم أو مش هيشغل بالي لكن المهم قبل النيش والشبكة هو الشخص اللي هرتبط بيه " .