قال الإعلامي عمرو أديب، إن الناشط السياسي وائل غنيم شاب ذكي ونقي وأرفض تخوينه، متناولًا ما كتبه، عبر حسابه على "تويتر"، من أن "النظام سيُسقط النظام"، معقبًا: "هذه الجملة لها ثلاث تفسيرات، الأول أن النظام يرتكب أخطاء من شأنها أن تُسقطه". وأضاف أديب، خلال تقديمه برنامج "القاهرة اليوم"، عبر قناة "اليوم": "التفسير الثاني أنه يري أن هناك شخصيات داخل النظام ستُسقطه"، موضحًا أن "هذا التفسير الإخوان شغالين عليه اليومين دول، حاطين صورة الفريق أول صدقي صبحي بشكل مستمر على مواقعهم". وتابع: "فجأة أصبح وزير الدفاع المصري محبوب ليهم جدًا، بعد ما كان قبل كده كذا وكذا، بس دلوقتي الراجل بقى الأمل بالنسبة لهم، زي ما جابوا السيسي قبل كده وقالوا عليه الوزير المؤمن، وجابوله صور وهو بيعيط وبيصلي وبتاع، كل حد ليهم مصلحة معاه بيشتغلوا عليه ويلزقوله تصريحات وبتاع". واستطرد: "التفسير الثالث أنه بداخل النظام أشخاص من كُتر حبهم ليه هيجيبوه الأرض، الناس اللي عايزة تجامل وتخدم أو تاخد منصب أو فاتورة ولا بتاع، أو حد من بتوع مفجري 30 يونيو وعايز حقه"، مشددًا على ضرورة أن يكون لدينا قدرة على الاختلاف. وختم: "دي البلد الوحيدة في العالم إلا لما إدارته تُخطئ نطالبها بالسقوط، هو ده الحل الوحيد عندنا".
شاهد المحتوى الأصلي علي بوابة الفجر الاليكترونية
