حرية فرغلي الفنانة التي تنازلت عن لقب مكلة جمال عشان شرفها ومات حبيبها ووشها اتشوه

خاص لموقع الحق والضلال

كتبت:نورهان عبدالله

دافعت الفتاة المصرية "رشا اشرف" عن الفنانة "حرية فرغلي" فكتبت:"أهي حورية فرغلي الي غالبا الناس مش بتحبها وبتقول عليها شكلها مفترية دي و"قوية" دي استحملت الي يمكن مفيش حد فينا يستحمله،البنت حبت مرة واحدة في حياتها وكانت هاتتجوزه ومات قبل الفرح علي طول وماتت فرحتها معاه،و لما اخدت ملكة جمال مصر ، وكانت هاتفرح شوية طلعوا عليها اشاعات،

راحت متنازلة عن اللقب وقالت الا شرفي مش عايزه حاجة منكم،والدها و والدتها منفصلين ومالهاش إلا أخ هو سندها،تعبت راحت تعمل عملية في مناخيرها"مش عملية تجميلية " راح وشها اتشوه و صوتها اتغير ومش هاتقدر ترجع زي الأول حتي ،كانت بتركب خَيل وبطلة فروسية وقعت جالها ديسك والدكاترة منعوها تركب خَيل تاني،وحاليا عرفت إن عندها سرطان في الرحم وهاتستأصله بما يمنع ان يكون عندها أولاد في يوم من الأيام، وهي الي ماتجوزتش لغاية دلوقتي حزنا علي حبيبها وخطيبها الأولاني.

مجموعة ابتلاءات متتالية زي شيريهان الي برضه وقعت علي ضهرها وحصلت لها إصابة شديدة خلاها تعتزل وهي في عز نجوميتها، و أخوها الوحيد مات فجأة وبعدها قعدت مش عارفه كام سنة تحارب المرض الخبيث.

دول تشوفهم كإنهم فراشات ماتعرفش حجم المآسي إلي بيواجهوها، ده مؤخرا بقيت بأشوفه في كل الناس الي بتدخل حياتي،واحدة ألاقيها مكبرة دماغها عن كل حاجة وأحسها عايشة دلوعة كده ماتعرفش حاجة عن الدنيا ولا المشاكل ،أقرب منها ألاقيها شايلة ابتلاءات بما يفوق قدرة التحمل والله،
و الموضوع بقي يتكرر مع اكتر من حد ومآسي أنا لو مكانهم ماكنتش هاستحمل،بقيت مقتنعة ١٠٠٪ بمقولة .
Be kind to anyone you meet, you know nothing about the battle they are facing.

و فعلا فعلا : خليك لطيف مع كل الناس محدش ناقصك