كل مرة أنزل أشترى لبس بحب أنزل مع زوجى عشان أخد رأيه ودا الى بيحصل

كل مرة أنزل أشترى لبس بحب أنزل مع زوجى عشان أخد رأيه، رغم إنى عارفة إنه بيكون مش مبسوط وبيزهق بسرعة لأنى مش بختار الحاجات بسهولة وبلّف كتير أوى، بختار الحاجة بمواصفات معينة زى بالظبط لو بفصلها بمزاجى، عشان كده مش سهل الاقى اللبس اللي عايزاه

لكن ربنا مش بيزهق منّى أبدًا لما بطلب منه حاجة وأوقات كتير لما بصلي بقوله على إحتياجى و تفاصيله

يعنى ممكن أصلي عشان أمر معين وأقعد أتكلم مع ربنا عن كل حاجة محتاجاها فى الأمر دا شكله ولونه وتفاصيله وحقيقى بكون مستمتعة وأنا بصلي وعارفة إن ربنا قاعد بيسمعنى بكل إهتمام

كلم ربنا عن كل صغيرة وكبيرة فى حياتك وتأكد إنه سامع صلاتك وعايز يديك أحسن حاجة، ربنا كريم أوى!!

" الْغَارِسُ الأُذُنِ أَلاَ يَسْمَعُ؟ الصَّانِعُ الْعَيْنَ أَلاَ يُبْصِرُ؟ " ( مزمور 49: 4)

تأمل لـ"بنت الملك"