كنت فى فرح واحدة صاحبتى من قريب .. كانت جميلة ومتألقة لكن بعد شهرين من الفرح دا الى حصل

رفقًا بمشاعر الأخرين
كنت فى فرح واحدة صاحبتى من قريب كانت جميلة ومتألقة وحقيقى كان وقت رائع مع أصحابنا واحنا بنحتفل وبنفرح مع بعض، وشوفت أد ايه كل العيلة فرحانة ومبسوطة بالعروسين
لكن بعد شهرين من الفرح لاحظت على العروسة انها حزينة وشكلها مُرهق، وافتكرت إنها تعبانة ولإننا قريبين من بعض سألتها عن صحتها، قالتلى " صحتي كويسة لكن مش بنام كويس و نفسيتي تعبانة " !
استغربت أوى لأنها المفروض تكون مبسوطة وبستمتع بأجمل أيام حياتها، وعرفت أن ناس كتير حواليها من العيلة والأصحاب وحتى الجيران، بيسألوها سؤال شخصي وبيجرحها أوى، " قربتي تجيبي بيبى ولا لسة؟!! " طب روحتى للدكتور عشان تطمنى؟"
وحسيت هى أد إيه قلقانة وتعبانة ودي مشاعر صعبة أوى
لكل أم و حماه، لكل الأصحاب والجيران حقيقى ممكن يكون قصدك إنك تطمني عليهم لكن فى الحقيقة الأسئلة دي بتوجع وبتجرح، كل شخص فينا عنده حياته الخاصة وعنده الحرية و الإختيار إنه يشارك بأخباره أو يحتفظ بيها لنفسه