انا بنبهكوا ، مش اي واحد او واحدة ماسكين مناديل ولابسين مبهدل يبقوا شحاتين

بصوا يا جماعة انا بنبهكوا ، مش اي واحد او واحدة ماسكين مناديل ولابسين مبهدل يبقوا شحاتين ،، بابا كان بيحكيلي ان كان في شحاتة متفقة مع تاكسي يوديها و يجيبها كل يوم بمرتب في الشهر 😏
دي شحاتة ؟ 🔝
و كمان في سواق تاكسي حكى لبابا قبل كده ان في شحاتة بليل ركبت مع السواق ده و كان بتعد الفلوس و كانوا ٧٠٠ 😏 لأ و لما جت تحاسبوا كمان بتديلوا بقشيش 😂
دي شحاتة ؟ 🔝
مرة كمان كان في شحاتة واقفة في مدينة نصر عند حتة معينة ، و كان في شحاتة سورية وقفت قريب منها في الشارع ، المصرية قالتلها تمشي و ان ده شارعها هي بس . و قعدت تشتم شتايم راجل لراجل ميشتموهاش 😏
دي شحاتة ؟ 🔝
لأ و تلاقي واحد واقف بيبيع كام واحدة جرجير 😂
طب دول هيجيبولك كام ؟
ده شحات ؟ 🔝
يا جماعة والله الشحات بيبان عليه 👌
انا حبيت انبهكوا بس 😉
خلي بالكوا من دول ، دول ناس خطيرة جداً والله 🔝
و بعدين مفيش شحات هيضحي بنفسه ويقف ما بين العربيات 😏
و مفيش شحاتة هتسيب شغلها و تركز مع مين وقف و مين موقفش 😏😏
آسفة لو طولت