ليليان جورج .. فين هي شهامتكم يا رجاله يا صعايده من تعريه السيده العجوز قدامكم

ليليان جورج كاتبه بموقع الحق والضلال
فين الرجاله من الحادثه دي مفيش واحد كان عنده نخوه ولا شهامه ولا شويه رجوله كان يقف قدام الناس دي وهما بيعرو الست المسكينه دي ويرحمها من العزاب اللي حاسه بيه دلوقتي واحساسها بعد ما بقت علي كل لسان , فين الرجاله اللي بنسمع عنها رجاله بقا وصعايده ايه طلعتو فالصو وشنبات علي الفاضي مفيش فيكم واحد اعتبرها في مكانه امه او جدته وراح يقف قدام الحساله اللي جردوها من ملابسها دول
ازاي اللي كان هناك مفكرش ينزل علي دماغهم بحاجه وينقذ الست دي ولا احنا خلاص هنبقا عايشين في غابه ولا ايه

الموضوع مش إثاره فتنه او اي حاجه ابدا وانا عمري ما هغير معاملتي مع احبائي واصدقائي المسلمين المقربين مني لاني ما شفتش منهم غير كل احترام وسيظل الاحترام موجود بينا دايما والحادثه دي عمرها ما هتحولنا لثأر بين مسلم ومسيحي انما لابد ان يُتخذ اجراء حازم وقوي ضد هؤلاء الغوغائيين المجردين من اي شفقه او نخوه او رجوله .

لو الناس كلها ما وقفتش عشان تاخد حق الست دي وتتردلها كرامتها مش بفلوس ولا كلمتين كدا وخلاص , لا لازم يتحاسبو ويتحاكمو باقصي عقوبه ويتشهر بعقوبتهم زي ما اتشهر بالست الغلبانه دي يبقا يا عره الرجاله ويا عرتك يامصر ويا خيبه املنا في الدوله ولازم برضو ماننساش السيد المحافظ المحترم اللي كدب الموضوع دا في الاول هو المسئولين اللي معاه والقسم اللي ماهتمش ببلاغها في البدايه . الموضوع دا لو انت حر فعلا لازم تنشره ويوصل لكل الناس عشان حق الست دي لازم يرجع .