في ام كانت حامل بطفل ولماولدت اتالمت كثرا جدا فقالت اسميه (يعبيص)ومعناه (حزين) وطبعا اسمه مآساه!!

(جات الحزينه تفرح لقيت مع يسوع مطرح )🙏
عمرك شفت شخص اسمه (حزين). .
+في ام كانت حامل بطفل ولماولدت اتالمت كثرا جدا فقالت اسميه (يعبيص)ومعناه (حزين) وطبعا اسمه مآساه!!
الولد وهوصغير كانوا ينادوه تعالي يا حزين روح يا حزين ولما راح المدرسه كان المدرس يطلب ويقوله فين الواجب المدرسي يا حزين واصحابه وهما بيلعبوا الكره معاه يقولوله العب يا حزين .
وكبر حزين وخد الشهاده وكل ما يروح علشان يشتغل عند حد يسأله اسمك ايه ؟يقوله حزين . يقول له هي ناقصه نكد . محدش عايز يشغله!طبعا
حزين كان من سبط يهوذا يعني بيحب التسبيح وطبعا كان شخص مصلي.يمكن طلبوا منه مره انه يقود التسبيح فقائد الاجتماع قال سيقود في التسبيح الاخ حزين.ففي بعض الناس ضحكت لكن ابليس قاله حتي في الكنيسه يا حزين مش قابلينك وبيضحكوا عليك
وقرر انه يتزوج وكل ما يتقدم لواحده ترفضه اصله عريس شؤم!!!
واخيرا واحده وافقت بيه وفي يوم زفافه قالوا اليوم فرح حزين!
وطول عمره الناس تناديه بهذا الاسم.مأساه إتسبب فيها والديه وبالذات امه والناس زودت الماساه ايضا
تخيل اسم ممكن يدمر حياه واحد.لكن العجيب في وسط اسماء كثيره 'ذكرت قبله في كلام الله في1اخبار الايام لم يمدح الكتاب الا (يعبيص)وقال انه اشرف اخوته اي اكرم وانبل منهم لماذا؟لانه كانت له علاقه مع الله قويه وحميمه وفيها عمق وايمان وكان عارف عايش ليه.
لانه كان عنده هدف حقيقي فطلب من الرب هذه الطللبات
🙏ودعا يعبيص اله اسرائيل: :"ليتك تباركني وتوسع تخومي وتكون يدك معي وتحفظني من الشر حتي لا يتعبني"
فأتاه الله بما سال.
🌴وانت ياحبيبي يمكن عندك مآسي في حياتك
🌲تربيتك كانت مشوهه.
🌲والديك تسببوا في تجريحك وانت مالكش ذنب .
🌲المجتمع اهانك .
🌲تعرضت للتريقه علي شكلك؛طولك،لونك،اعتداءات جنسيه.
لكن شوف هذا الشخص واتعلم منه فهو قد اصبح معزي بالرغم ان اسمه لسه بينادوه بيه (يا حزين)لكن الوجع اللي جواه راح .
والمأساه حولها الرب لبنيانه وتشكيله ليكون افضل من اخوته اللي اسمائهم لم نعرفها ولا اسم ابوه ولا امه
💐تحب تكون مثله ولا قاعد تندب حظك يا مسكين
ودايما قول انا اعلم أن كل مآسي في حياتي ستحولني لشخص أخر لما يكون لي علاقة حميمة وجميلة مع ربنا يسوع بحسب قلب الرب يسوع الذي
"قصبة مرضوضة لا يقصف وفتيلة مدخنة لا يطفئ."
امين