ليليان جورج .. في كل حادث قبطي بيطلع المتهم معاق ذهنيا المره دي قالو ان الاقباط نفسهم هما اللي حرقو المنازل فوت امري ليك يارب
كتبت ليليان جورج كاتبه بموقع الحق والضلال
في كل حادث قبطي نجد ان الجاني المتهم في الحادث مختل عقلياً بس في حادث سيده الكرم جابو اتقال اول مره ان فيه واحد من المتهمين معاق ولا يقدر علي الحركه فكيف له بحرق منازل الاقباط لحد ماجه المحامي المحترم ايهاب رمزي ووقف للموضوع دا وقدمه للطب الشرعي واتضح ان الاعاقه اللي عنده دي ماتمنعهوش من اي حركه لانه اصلا مزارع وبيشتغل في ارضه ف من الممكن جدا انه يكون مشترك في جريمه حرق المنازل وان اعاقته دي ماتمنعهوش من كدا
فقالو الله . طيب اومال هنعمل ايه دا موضوع معاق دا الظاهر انه اتكشف وبقت لعبه مكشوفه ومعروفه طيب تعالو نعمل حاجه تانيه , عملو ايه بقا . تعالو اقولكم عملو ايه
جابو محامي واتهم فيه اربع اقباط انهم هما اللي حرقو منازل مسلمين !!! لا ومش كدا وبس وطالب بأخذ حقهم في الاعلام وانتقد تدخل الكنيسه في اموضوع من الاساس
بالزمه دا يبقا اسمه ايه ويترد عليه يتقالو ايه ؟!! بس حيله جديده في قضايا الاقباط في مصر
بطلب من كل الساده الافاضل المحترمين قراء الموقع انهم ينشرو حيله هذا المحامي لكي يتم قفل قضيه حرق المنازل وتعريه السيده كما يتم قفل اي قضيه تخص اقباط مصر لازم الدنيا كلها تقف قدامه وحق الست وكل المتضررين من الحادث دا بسرقه وحرق منازلهم ما يروحش هدر