امبارح و انا في الزمالك لقيت العيال دي ماشية ورا ٦ بنات في الاول ابتدي اللي لابس اخضر يتزنق في وسطهم و يخش ما بينهم

امبارح يوم الخميس ١٩/٥ و انا في الزمالك في شارع ابو الفدا قدام جنينة الاسماك الساعة ١٢:٣٠ الظهر لقيت العيال دي ماشية ورا ٦ بنات في الاول كانوا بيعاكسوهم بالكلام واضح و بعدين ابتدي السافل اللي لابس اخضر يتزنق في وسطهم و يخش ما بينهم و يزنقهم في العربيات الراكنة و هما مش عارفين يروحوا منهم فين و عمالين يمشوا بسرعة و الحيوان التاني صاحبه ماشي وراهم عمال يضحك و يقوله صورهم و الاول معاه كاميرا طالعها و بيحاول يصورهم و ابن الوسخة طبعا موجه الكاميرا على مناطق معينة هي البيصورها قربت منهم و فتحت الشباك و صورتهم و قولت للبنات عدوا الشارع و طبعا لما لقوني بصورهم سابوهم و ابتدوا يتخنقوا معايا و يقولولي انت مجنونة و انا الحمد لله قمت بالواجب بجميع انواع السب و القصف المهم كانوا البنات عادوا و هم غيروا الاتجاه و مشيوا العكس و طبعا كل ده و مافيش ربع راجل ظهر بأي موقف غير انهم كانوا متضايقين و بيزعقولي علشان وقفت الشارع شوية