النهاردة و انا بركب الصبح من مريوطية رايحة الشغل ف المعادى .جت بنت وقفت جمبى و الدنيا كانت زحمة و ناس كتير اوى مره واحدة بحط إديا ع جمبى لقيت كريم او حاجه شبهه اوى ع هدومى 1103114
انا ربنا سترها معايا النهاردة الصبح
مكنش ينفع اكتب الكلام دا الصبح علشان اهلى ميقلقوش
النهاردة و انا بركب الصبح من مريوطية رايحة الشغل ف المعادى .
جت بنت وقفت جمبى و الدنيا كانت زحمة و ناس كتير اوى
و مشيت عادى يعنى
مره واحدة بحط إديا ع جمبى لقيت كريم او حاجه شبهه اوى ع هدومى
ايدى طبعا جت عليه فبشكل تلقائى لعادتى الى زى الزفت انى بشم اي حاجه
شميته حسيت مرة واحدة بريحة نفاذة جدا دخلت صدرى
بعدها حسيت زى طن " صوت " ف ودنى و دماغى تقلت قعدت ع الرصيف
كان معايا مايه و وايبس مسحت إديا و هدومى و غسلت وشى و ابتديت افوق
لقيت بنت بتسألنى مالك برفع راسى علشان اقولها مالى ، لقيت بنت تانيه جايه وراها
هى نفس البنت الى كانت واقفه جمبى
جسمى اتنفض و قومت مره واحده و ركبت اول عربيه قابلتها
الحمد لله ربنا سترها
مش هقدر اقول غير ان دا دعاء اهلى و بس
خدوا بالكوا ف الإيام الزفت دى
الحمد لله
( تعديل )
بلاش تشموا اي حاجه بجد !!
واضح هنرجع لتعليمات زمان متاخدش حاجه من حد لو حد ادالك اى حاجه و لو منديل بلاش
ربنا يسترها علينا كلنا