واحدة كاتبه إنها لما قابلت دكتور مجدي يعقوب قالت له أنا باتمنى لك حاجة واحدة .. نفسي أشوفك في الجنة هل ممكن تقولي نفس الدعوة دي للشيخ برهامي مثلاً

بقلم رمزى بشارة

واحدة كاتبه إنها لما قابلت دكتور مجدي يعقوب قالت له أنا باتمنى لك حاجة واحدة نفسي أشوفك في الجنة لأنك تستاهلها

• بإعتبار إنك كده كده داخله وبتتمني دخوله !
• هل ممكن تقولي نفس الدعوة دي للشيخ برهامي مثلاً وللا مستحيل تدعي له الدعوة دي لأنه أكيد داخلها معاكي وانتي متيقنة انك هتشوفيه هناك !
• انك تقولي له هو الكلام ده ياترى قصدِك إيه !
انت تمام وزي الفل بس مش هتدخل الجنة فخد بالك الموضوع مش خير بيتعمل وخلاص وكإن الدعوة تحمل هذه الجملة في باطنها
احرص على دخول الجنة بدخولك في دين الحق
ماتقصديش كده ؟ أوك مصدقك بس ايه لازمة انك تقولي له هو الكلام ده اذا ماكانشي في فعل معين لازم يصدر منه لتحقيق هذه الأمنية !
بمعنى أوضح ماتدعي له الدعوة الحلوة دي موجهة كلامك لله
يارب دخَّل مجدي يعقوب الجنة

•• وعالعموم مجدي يعقوب مش داخل الجنة
فالرجل يؤمن بحسب عقيدته أن الجنة دورها قد انتهى بعد سقوط آدم وحواء
والمكان الذي يتطلع للذهاب إليه
لايوجد فيه أكل ولا شُرب
" ملكوت الله ليس أكلاً وشُرباً "
ولا زواج
" في السماء لا يُزوِّجون ولا يتزوَّجون بل يكونون كملائكة الله في السماء "