الولد ده مبيشحتش يجيلك ويسالك الاول اذا كنت تحب تمسح العربية المهم راح سأل راجل كان راكن قاله ماشي المهم بيديله فلوس قاله ممكن تشوفلي كوتش عايز اروح بيه المدرسة الرجل طنش الولد قاله انا محتاج والله الراجل قاله طيب انا هاجيبلك واحد قديم من عند ابني انت مقاسك كام 38 طيب هاجيبلك واحد قاله طيب مش هاعرف استناك امتى ولا فين انا رجلي بتتحرق من الاسفلت الولد كان لابس كروكس مضروب طبعا ومتقطع من تحت تقريبا الراجل اتاثر بس مشي طبعا انا كنت مستني ورايا حاجة بعملها الاقي الراجل جاي بعد حوالي 10 دقايق ومعه جزمة جديدة للولد وبيديهاله طبعا انا صورت الولد علشان شكل السعادة في عنية الرجل رفض اصورة والولد كان بيخبي وشه برضه وقالي لو هتنزلها الفيس بلاش وشي عنده كرامة وعزة نفس وسعادته وفرحته الهمتني المهم جاتلي فكرة ان اي حد عنده حاجات قديمة لأولاده ومش بيستخدمها ملابس احذية يحط اي حاجة في شنطة عربيته احتياطي ممكن يقابل طفل محتاج زي ده #ولكم_في_كل_كبد_رطبة_أجر
