اتصلوا بيها الصبح وهي في شغلها قالولها الحقي ابوكي عمل حادثة ونقلوه المستشفي 1105903

اتصلوا بيها الصبح وهي في شغلها قالولها الحقي ابوكي عمل حادثة ونقلوه المستشفي
جريت بأقصي سرعتها وراحت علي المستشفي ومسكت راسه الغرقانه بدمه وقالتله
اوعي تموت وتسبني انا اسفه اني زعلتك امبارح بخصوص الشاب اللي حبيته
كنت متمسكه بيه وده اللي خلاني اعلي صوتي عليك واقولك هتجوزة ولو من وراك هتجوزه غصب عنك . حقك عليا قوم بالسلامة وعمري ماهزعلك تاني
انت كان عندك حق في كل كلمة قولتها عنه هو فعلا مش بيحبني لذاتي هو بيحبني عشان فلوسك وعلشان يجرحك من خلالي انه قدر يهزمك في انه اتحداك ببنتك اللي ضعفت قدامه ارجوك متموتش وانت زعلان مني حقك عليا يا بابا
فضلت البنت تبكي بدموعها الحارة في المستشفي علي ابوها اللي هيروح من بين ايديها فات حوالي اسبوع وابوها في المستشفي في غيبوبته وهي في الاسبوع ده مكنش بتكلم حبيبها ولا بترد علي تليفوناته
واول مالدكتور طلع قالها اطمني بابا فاق من غيبوبته وبقي كويس والحمد لله عدينا مرحلة الخطر جريت كلمت حبيبها عشان تفرحه وتعتذره علي طول الفترة اللي قضيتها بعيد عنه
الأب هو ربنا والبنت هي كل واحد فينا والشاب هو الخطية ربنا بيرفض الخطية وبيحاول يبعدنا عنها علشان عارف ان هدفها هو انها تضيع مننا ميراث ابونا السماوي وقالها اكتر من مرة ده عاوزك علشان يوصلي من خلالك ويتحداني ويقولي مقدرتش اوقعك ولا انتصر عليك بس قدرت اوقع بنتك وانتصر عليها
ممكن نبعد عن الشاب ده ( الخطية ) اسبوع الألام بحالة علشان نفرح ابونا المجروح بسببنا المتهان علشانا المصلوب من اجل كل واحد فينا بس ايه الفايده لما نجري علي الشاب ده من جديد ( الخطية ) بعد القيامه !!
ان تقرأ كل يوم اصحاح من الكتاب المقدس علي مدار السنة بأكملها افضل من ان تفتحه في اسبوع الألام فقط . وان ترضي ابوك السماوي كل ايام حياتك افضل من ان ترضيه في الأيام المقدسة فقط