مواضيع عامه خاص لموقع الحق والضلالعلمونا زمان ف الكنيسه ان هدف الصيام هو "التحكم في شهوات الجسد" يعني احنا بنصوم علشان نعود اجسادنا علي اقماع الشهوات مهما كانت ، ربنا مطلبش مننا ناكل اكل نباتي علشان اللحوم حرام كل الاكل اللي ربنا خلقه مفيد وصحي ده غير ان السيد المسيح قال : لَيْسَ مَا يَدْخُلُ الْفَمَ يُنَجِّسُ الإِنْسَانَ، بَلْ مَا يَخْرُجُ مِنَ الْفَمِ هذَا يُنَجِّسُ الإِنْسَانَ لكننا بناكل اكل نباتي ف فترة الاصوام علشان نطفي شهوة الجسد وزي ما قدرنا نتحكم ف الشهوه البسيطه اللي هي شهوة الأكل نقدر نوصل لقمة الجهاد الروحي ونتحكم ف كل شهوات الجسد بالصوم والصلاه ده غير ان اللحوم من الأطعمه اللي علميآ بتثير الغرائز ، يعني بعدنا عنها ف الوقت ده نوع من انواع تدريب الجسد والسيطره عليه الغريب اننا دلوقتي بعدنا تمامآ عن مضمون الصيام وبقينا بنتعامل معاه بمنتهي الشكليه والسطحيه ، لدرجة ان المحلات المسيحيه بقيت مليانه انواع واصناف عجيبه من الأكل وبمسميات أغرب "لانشون البطل" "سجق الروماني" "برجر العجايبي" !ولما تسأل وتدرو تلاقي ان المنتجات دي كلها منتجات اديره ودي المصيبه الأكبر يعني المسؤولين عن انتشار الاطعمه دي هما رهبان الأديره اللي المفروض يكونوا علي قدر عالي من الروحانيه وكأن الموضوع اتحول ل بيزنس وصفقات وفلوس وللأسف مفيش اي رقابه علي المنتجات دي من اي نوع والسؤال دلوقتي هو احنا بالشكل ده بنضحك علي مين ؟ بنضحك علي ربنا ولا علي نفسنا !؟ لو هنصوم علشان ناكل كل اللي عايزينه وكل اللي نفسنا فيه بس تحت مسمي انه اكل صيامي يبقي الصيام مالوش لازمه ، صيام باطل مش هنطلع منه ب فايده خلونا نعيش السنه كلها ف فطار وناكل براحتنا بدل التعب ده ، ع الأقل الأكل الطبيعي "اللحوم و الجبن والالبان" هيبقي افضل من الأكل المضروب "المصنوع من فول الصويا ومشتقاته " الصيام ف الكتاب المقدس يعني اذلال للجسد ونشاط للروح وصلوات مستمره وخضوع تام وكامل لوصايا الله زي ما مكتوب ف مزمور ٣٥ "أَذْلَلْتُ بِالصَّوْمِ نَفْسِي" لكن الجو بتاع "بتلو العجايبي" و "كندوز ام النور" ده مش صيام ، ده دلع بايخ ودمه تقيل واستغلال واضح للرموز الدينيه !#قدسوا_صومآ_نادوا_باعتكافمينا مجدي
