مواضيع عامه خاص لموقع الحق والضلاللاموخذه انا جبطى بقلم : فادى يوسف لاموخذه انا جبطى وبعانى عايش فى الصعيد الجوانىجلبى مليان لمصر امانى نفسى العمر يتعاد من تانىعمر جديد لا فيه اضطهاد ولا عبيد احس فيه انى انسان جديداحس فيه بالعيل الوليد يتشد حيله ويبجى عنيديطلب بحج ويجول لع للظلم لع و للجسوة لعولما يجلوله اخرس يجف و يمتنعمحدش يجبره ينكر اله حبيبه لكن يرفع ايده الى فيها صليبهويجول باعلى صوت انا جبطى لحد ما اموتلانا شاعر ولا كاتب اجوال لكن كتر الهم علمنى اسال السوالانا اصل البلد وحاميها لا عمرى طلعت جاسوس ولا سارج الي فيهاطيب ليه الحج فى البلد دى لينا وهبة وهدية وليه يا بلدى بتجسي علياده كنت ناوى اعطيكى عمرى ليه يا مصر زرعك شوكىوكفاية كده مواويل العمر خلاص مبقاش طويل بس لو فيه شوية تجدير يبجى ساعتها نقول تانىاه يا بلدى عشت فيكى وهموت غريب منا عارف ايه الى صابك من ساعت ما دخل فيكى الوهابى جلب علينا اهالينا وجالهم لا يصابحوه ولا يسلموه علينا وبجيت انا وجارى هو فى حاله وانا فى حالى لكن اعمل ايه فى ابن جارى الى ماسيبش عيالى وكل يوم يطلع لهم فى الشارع البت الكبيرة يجولها مشوفكيش تانى بشعرك ده لاحرجولك والعيل الصغير يجوله دين ايه ابتاع النصارى ده الى لا فيه كلمة تخش دماغ والعيال تيجى تبكى وتشتكيلى واروح لابوه يجولى لا مواخذه انت جبطى والواد ابينصح عيالك اجوله بوه وانت مالك يا كبير خليك فى حالكوهى جت على الجيرة ولا المصلحة الى اروحها اخلص الارواج يجلولى لامواخذه انت جبطى ازاى ومكتوب فى البطاجة مسلم احلفلهم غلطت الاموظف يجلولى روح غيرها واحنا مالناوهو يعنى ليه مكتوب فى البطاجة الديانة وليه اموظف يغلط ويكتب مسلم مع انى اسمى من اوله لاخره جبطى صميم لكن اجول ايه هى دى جله تعليم ولا مجصوده وبزيادة لاجل يخفونا ويبجى ملناش عادهواطلع من المصلحة فى الشمس الحامية والعرج الشديد واروح المحكمة لاجل اخويا وحبيب عمرى مصطفى واجع مع اخوه ومظلوم فى مشكلة وجصدنى اشهد وياه ويسالنى الجاطى على اسمى اجوله يا فندم اسمى المجدس جندى يجولى لامواخذه انت جبطى مينفعش عاوزين واحد تانى يكون مسلم وشهادته على حجواطلع من المحكمة وانا بضرب كف على كف ومن جالكم ان الجبطى مش على حج وايه دخل الدين بالشهادة يا سبحان الله اتصدجوه انا الغلطان انى بنصف اخويا الغلبانواركب الميروباص لاجل اروح على بيتى الاجى السواج ايشغل خطب وحاجات دينية اجوله يا سطى ابوس ايدك ادماغى هتفرجع وطى شوية يجولى ليه هو انت لامواخذه جبطى اجوله وايه دخل الدين فى الكاسيت انا بجولك وطى الصوت شوى يجوم ويزعق ويجول بطلوه كفر وضلال يخلينى اندم انى فتحت خشمىوانا داخل على الحارة اسمع الشيخ فى الجامع عمال ايكفر فينا وعم بيجول كلام غريب ايجول النصارى دول مشركين ولا ليهم رب ولا دين ومين التلاتة الى بيجول اننا بنعبدهم يا شيخ عيب الكلام ده اسالنى جبل ما تخطب مدام عم بتتكلم عليا وعلى الاجباط جول كلمة حج او بزياد لكن اجول ايه ولمين مكفاية الى اتجالى من السواج مهو لامواخذه انا جبطى ومليها لازمة نعيد فى المتعاد وجبل مدخل البيت الاجى عيال الحارة واجفين بالزفة اليومية ويشتمونى ويجلولى يا عضمة زرجه يا نصارنى يا كافر يا اربعة ريشة والكنيسة وجعت والجسيس مات وكلام ايعصب منا صعيدى ودمى حامى ومبنستحملش يا بوى ويفوت راجل ويجولى وهو بيضحك لامواخذه منتا جبطىوافوت بالليل على دكان البقالة لاجل اعشى العيال وامهم الاجى عم محمود مش موجود وابنه الصغير يجولى راح يصلى ما تروح انت كمان تصلى اجوله يا بنى لامواخذه انا جبطى واجعد مستنى وبعدها اروح للعيال وشايل المشال فوق الحاجات الى جبتها من عم محمود شايل فوجهم هم ما يتشال كانى غريب فى بلدى كانى ضيف كانى درجة تانية لكن افتح باب البيت واطلع اجوى ابتسامة من بعد المهانة لاجل ولادى ما يحسوه بحاجة رغم انى عارف انهم هيشيلوه نفس الهم من بعدىوتخبط على ضهرى ام العيال وتجولى جوم يا مجدس اطمن على ولاد اخوك واسال عليهم سوالوالبس جلبيتى بسرعة وانزل عشان اطمن على ولاد الشهيد الغالى الى ادبح فى الشارع لاجل انه جبطى ولا حد يجبله تاره ولا حكومة تجبله حجههو انا انسى يوم المامور ما جالى كتم على الخبر لاجل ما النجع ما يولع اجوله ازاى ياباشا هو كان فرخة بتدبح وملهاش عازه يصرخ فى وشى اخوك لامواخذه جبطى اياكش عاوز اتساوى بينه وبين التانى ولما جولتله طيب وحج عياله يجولى هتخرس ولا اسجنك مكانه !!!مكان مين يا باشا هو انتوه رضيتوه تجبضوه على حد جولته الفعال مجهول ولو طلع يبجى مخبوللكن لازم انسى جبل ما اخبط على بيت اخويا لاجل ما عياله متشوفيش الدمعه الى عم بتفر من عينى لاجل ما البلد ماتولعش لو جولنا حج الميت ما تجبشونجعد انا وعياله انصلى وانا بجول فى جلبى يارب ارحمنى ميتا يا رب تحنن الجلبجلب اخويا فى البلد عليا جلب ظلم والتانى اتظلمجلب عاش يجسى ويدوس وجلب طول عمره عايش متعوسجلب شال شر وسواد وجلب صلى السلام للبلادواجرى على بيتى لاجل ما الحكاية تنتهى لكن احكاية ايه الى بتتعاد كل يوم وبشوف فيها ظلم بالجوم ميتى يترفع الاضطهاد ونكون كلنا عباد لرب العبادلاحد يستعبدنى ولا يخرسنى ولا يزلنى لاجل انى لامواخذه جبطىكتب : فادى يوسف الناشط والحقوقى القبطى
