( حلاوة حضنك يابويا السماوي ) كنت بتلاحظ الطريق منتظر رجوعي + يابويا السماوي ما إنت إللي بنعمتك أرسلت روحك القدوس إللي أشعل قلبي برغبة الرجوع + جريت ناحيتي بفرح حضنتني بحب أبوي سماوي إلهي ناري حقيقي : " الله محبة ١يو ٤ : ٨ " حضنك وحبك وقبلاتك ولذة حنانك : حصنوني ضد الرجوع للخطية واللذة الوقتية وعار الخرنوب + حبك نقلني من - يونيفورم - كورة الشر إلي الحلة الأولى + من الجوع والاحتياج إلي وليمة العجل المسمن ( ذبيحة الصليب ) + من الحزن والإحباط إلي أفراح النعمة + لكن فيه حاجة مهمة جدا : إن حب أبويا وحضنه وغفرانه : خلاني أنسي إساءة أخويا ليا لقيت نفسي بحبه ومسامحه ونفسي كمان هو يدوق حلاوة الأبوة ( المجد لك يا محب البشر الصالح )
بنعمة المسيح
يوحنا برسوم خادم المسيح
