وانشق حجاب الهيكل
كتب : يوحنا برسوم خادم المسيح
( وانشق حجاب الهيكل ) لنا ايها الاخوة ثقة بالدخول إلى الأقداس بدم يسوع " عبرانيين ١٠ : ١٩ " . + يارب بشكرك جدا جدا حقيقي دمك خلاني ممكن أرجع مره تاني لملكوتك لعمق مجد حضورك للتلاقي معاك بعشم لسبب واضح جدا إن دمك غالي صليبك عالي دمك خلا ثيابي بيضا دمك لغي ماضيا المخزي نسف اللعنة شفاني من الذنب والنقص والخوف + يارب بشكرك من أجل إن السد العالي !! إللي إسمه الحجاب أخيرا اتشق لما أنت - بنعمتك الغنية - صرخت بصوت عظيم وأسلمت الروح صليبك يارب لغي كل الحواجز دمك خدني من أيدي ودخلني ملكوته + أنا بشكرك يارب لأني بألمك ودمك وصليبك : محبوب ومقبول ومغسول + ياربي يسوع المسيح الملك القدوس المصلوب حبا بشكرك وابارك إسمك القدوس + ولو سمحت بسلطان حبك ودمك وعمل صليبك إشفي نزيفي + أمين
بنعمة المسيح
يوحنا برسوم خادم المسيح