بقلم كيرلس فتحى إنقاذ سيده يصنع أعجوبه

موضوع

بقلم كيرلس فتحى إنقاذ سيده يصنع أعجوبه

من قيمة ١٣ سنه لما أشتغلت أول شغلانه اخدت ٥٠٠ جنيه فى الشهر ، من عادتى بحب يكون ليا ذكرى مع كل حاجه ، فا سحبت منهم ٢٠٠ جنيه وكتبت عليها اليوم والساعه وذكرى خاصه بأول مرتب أخده فى حياتى
فضلت ال٢٠٠ جنيه معايا فى المحفظه سنين
لغاية يوم ١٣ فبراير اللى فات ساعة موجة البرد الشديد
كنت ماشى وسط البلد الساعه ١:٣٠ بالليل ، لاقيت واحده ست نايمه على رصيف وشكلها كان تعبان، بتكح جامد.
انا من عادتى لما بشوف اى حد محتاج فى الشارع مابحطش فى دماغى وبمشى ، لأنه مشهد إتعودت عليه .
لكن الغريب فى الست دى ، نادت عليا بنبرة صوت ضعيفه جدا ، بتقولى الحقنى ياولدى
صوتها ماسمعتوش بودانى ، ده لمس قلبى ، لمس عواطفى ، حسيت انها فعلا محتاجه لمساعده
صوتها فى ودانى لغاية دلوقتى
بكل تلقائيه ومن غير ولا ثانية تفكير روحتلها ، لاقيتها سخنه جدا وعينيها حمره
معرفتش أعمل ايه ، بصيت حوليا لاقيت صيدليه فاتحه ، جريت عليها ، وطلبت من الدكتور اللى هناك يجى معايا يشوفها ، كتر خيره جه معايا وصرفلها علاج
جيت أحاسبه مالقتش فى جيبى ولا مليم حرفياً
كنت حاطط الفلوس فى جيبى وأكتشفت ان جيب البنطلون مقطوع ، وقعت منه كل الفلوس
طلعت المحفظه من جيبى اللى ورا ، لاقيتها فضايه ، مافيهاش غير ال ٢٠٠ جنيه القديمه
كان موقف صعب عليا جداً إنى أفرط فى ذكرى عزيزه قوى عليا زى دى بس ما باليد حيله
اشتريت العلاج للست وجبتلها اكل وبقيت اتطمن عليها كل يوم لغاية مابقيت كويسه نشكر ربنا
الغريب بقى فى الحكايه ان يوم ٢٦ ابريل اللى فات
كان فى مسابقة يانصيب فى الشركه ، كانت بقيمة ١٠٠٠ جنيه
من حُسن حظى كسبتها ودى أول مره فى حياتى أكسب فى مسابقات
الغريب بقى ان لما قبضت فلوس الجائزه
لاقيت ال٢٠٠ جنيه بتعتى اللى اشتريت بيها العلاج للست
ربنا حب يكافئنى بس بطريقته العجيبه 🥰
بقلم/#كيرلس_فتحى
شير وماتوقفهاش عندك


نقلا عن صفحة فيس بوك