شيطان يضحك على باب كنيسة !!!
الشيطان يضحك امام باب الكنيسة
+ اجتمع خُدام مدارس الاحد مع أمين الخدمة واتفقوا على عمل يوم روحى لتلاميذ مدارس الاحد لكى يستفادوا روحياً وفعلاً تم عمل برنامج روحى لهذا اليوم
+ بدأ اليوم بقداس واثناء القداس قام الخُدام ومعهم مجموعة كبيرة من تلاميذ مدارس الاحد لإعداد الفطار والفقرات والجوائز واشياء اخرى وبعد القداس بدأ اليوم الروحى بالفطار ثم فقرات روحية متنوعة ومسابقات والعاب وكلمة لأبونا وفقرات عديدة روحية والعاب ترفيهية وانتهى اليوم الروحى والتلاميذ فى غاية الفرح بالفقرات والالعاب , وكان الخُدام وامين الخدمة مبسوطين جداً لنجاح اليوم الروحى وبينما والخدام وامين الخدمة خارجين من باب الكنيسة وجدوا امامهم الشيطان يضحك جداً وبسخرية , فسألوه لماذا تضحك ؟ فقال انا بضحك عليكم ؟ فقالوا له لماذا ؟ فقال لهم انتم فرحانين وبتقولوا ان اليوم الروحى كان ناجح والتلاميذ استفادوا فائدة روحية كبيرة ؟؟؟
فقالوا له : اكيد طبعاً
فقال الشيطان لهم : انا سبتكم تعملوا كل حاجة ولكن سرقت منكم اغلى واهم شئ فى اليوم الروحى
فقالوا له : ايه هو ده ؟؟؟
فقال : عدم حضور القداس الالهى , لما بدأ القداس خليتكم تخرجوا ومعاكم عدد كبير من التلاميذ لإعداد الطعام والجوائز والفقرات وحتى العدد القليل من الذين كانوا فى القداس شغلت تفكيرهم فى حجات اخرى , وحتى الاب الكاهن لم يجد الا عدد قليل جدا من الشمامسة يخدموا معاه بالرغم كان فى شمامسة كتير فى الخدام بس انا شغلتهم فى اعداد الحفل وخليتهم لا يشتركوا فى القداس
انا لا اخاف من الفقرات الروحية ولا الوعظ ولا المسابقات؟؟؟ شئ واحد فقط يرعبنى هو القداس الالهى!!!
لأنكم بتقفوا وكأنكم فى السماء وربنا بيحضر القداس معاكم وكمان الروح القدس بيحل على الخبز ووعصير الكرمة ليتحولا الى جسد ودم حقيقى للرب يسوع , وقفتكم فى القداس فى خشوع بترهبنى !وكمان فى نهاية القداس بتاخدوا المسيح جواكم فى التناول وانا بصراحة انا اقدر عليكم انتم ولكن مقدرش على المسيح الذى بداخلكم
+ سبتكم تعملوا كل شئ وسرقت منكم اهم شئ وهو حضور القداس والاتحاد بالمسيح فى التناول
+ عرفتوا ليه انا بضحك
بدون تعليق – بنعمة المسيح تأملات اغنسطس اسامة
اذكرونى فى صلاتكم