سيده فى دعوى الخلع جوزى بيقول لي بحبك بس هفضل أعرف ستات

"جوزى إنسان غريب طول الوقت يقسم بالله أنه بيحبنى وميقدرش يبعد عنى، وبرضوا بيخونى وكل يوم فى علاقة جديدة مع ست لحد ما كرهت حياتى ومبقتش قادرة أعيش معاه وأنا عارفة أنه بيخونى، والغريب إنه بيقول مافيش علاقة بين الحب والعلاقات النسائية، وأنها كلها نزوات وأنه بيحبنى وفى الأخر هو ليا"، جاءت هذه الكلمات على لسان سحر داخل محكمة الأسرة لرفع دعوى خلع من زوجها بعد عام و4 أشهر فقط من الزواج؛ مبررة بذلك استحالة العشرة معه بسبب خيانته المستمرة لها.
عام و4 شهور زواج
وقالت سحر فى مستهل حديثها مع "أهل مصر": "أنا مكنتش أعرف قبل ما يخطبنى أو نتجوز أنه ليه فى الخيانة والعلاقات النسائية، وصدقت حبه ليا وإصراره على الجواز لما اتقدم ليا مرتين عشان أوافق عليه، وكانت فترة الخطوبة مستقرة بشكل كبير، حتى خلافتنا بسيطة جدا مع بعض، ورسمت حياة وردية بعد الجواز معاه، لكن للأسف اكتشفت أشياء سيئة جدا فيه بعد ما اتجوزنا وأنه بيكلم بنات على النت والتليفون ولما اتخاتق معاه يقول لى دا كله نزوات عادية زى كل الرجالة أهم حاجة إنى بحبك انتى واتجوزتك".رفع دعوى خلع
وأكملت الزوجة حديثها: "كلامه كان غريب وعايزنى أعيش على كدا لحد ما ربنا يهديه ويبطل، حاولت فى البداية أتحمل وأكتفي إني الخناق يكون بينا وبس عشان مش عايزة أبقى مطلقة وكان عندى أمل إني أغيره، لكن زى ما هو لحد ما هددته أنه يطلقنى لقيته رفض وقال أنا كدا مش هتغير ومش مقصر معاكى فى حاجة وطلاق مش هطلق وهتعيشي معايا غصب عنك، وكلامه كرهنى فيه أكتر وعشان كدا رفعت دعوى خلع ومنتظرة أولى الجلسات".

هذا الخبر منقول من : اهل مصر

الله محبه