حزن شديد بعد وفاة الشماس فادي وابونا انجيلوس يروي اللحظات الاخيرة في حياته

سرق الموت حياة عريس السماء الشماس فادي هاني وجرح قلوب كل احباءة علي فراقة واقيمت صلاة الجنازة علي روحه الطاهره اليوم الثلاثاء الموافق ٧ ديسمبر ٢٠٢١ الساعه ١٠ صباحا بكنيسة القديسه رفقه.

ونعاه ابونا انجيلوس مراد من خلال صفحتة الشخصية علي موقع التواصل الاجتماعي فيسبوك وكشف تفاصيل اللحظات الاخيرة في حياتة قائلا:صعب جدا علي خادم انه يودع واحد من اولاده للسماء.

واضاف: كنت معاك في المستشفي وعندي رجاء من الله انك هتقوم شاورت لي وانت في غرفه العنايه وانت خارج من العنايه المركزه كنت بتشاور للخدام بتوعك ابونا فيلوباتير ومستر ريمون أتاري كنت بتودعنا ورايح لبيتك السماوي نص ساعه بيحاولوا يرجعوا النبض لقلبك خدامك بس اللي كانوا عارفين باللي بيحصل ، كان نبض قلوبنا بيقف من الخوف علي انك تسيبنا يا ابني.

واختتم: انت نجحت يا حبيبي ووصلت السماء بسرعه لانك كنت شماس هادي صلي من اجلي الي ان نلتقي يا حبيبي وعزائي للاستاذ هاني وتاسوني كارولين ربنا يسندك في تجربتك الصعبه.

اصبح موت الشباب كثير جداً هذه الايام فكل يوم تلو الاخر يموت شاب او شابة اما اثر حادث اليم او معاناه مع اي مرض من الامراض الخطيرة اما موت مفاجئ بدون اي سابق انذار الموت اصبح قريب جدا اوعى تفكر انك بعيد عن الموت هو على بعد خطوات منك وفى الوقت المحدد هيخطفك بس ياريت تكون مستعد .