معجزة شفاء عجيبة للانبا كاراس مع سيدة بعد تمجيد له

روت احدي السيدات المعجزة الرائعة التي حدثت معها بيد القديس العظيم الأنبا كاراس قائلة انه في مثل هذا اليوم حدثت معها معجزة حقيقية وهي عندما ذهبت في الصباح لتوصيل بناتها الي المدرسة وعادت الي كنيسة العذرا حتي تصلي فيها وتقوم بعمل تمجيد.

وفي هذا اليوم رأت صورة الانبا كاراس بالتمجيد بتاعه في صورة السيدة العذراء فقالت التمجيد وقعدت شويه داخل الكنيسة فشعرت بوجع لا يحتمل في قدمها اليمين لدرجة انها ليست قادرة علي المشي فاتعكزت حتي وصلت للمستشفي لعمل اشاعة وبعد عمل الاشاعة اكتشفت ان قدمها توجد بها إبرة خياطه كامله.

فادهشت وقالت له استحالة تدخل في رجلي وماحسش بيها فقال دي ابره كامله وواضح انها بقالها فتره لازم تروحي لجراح فقالت في نفسها اكيد في حاجه غلط لازم اروح اعمل الأشاعه في مكان تاني واكدولي في المكان التاني انها ابرة خياطة مستقره في بطن الرجل فذهبت الي احد الاطباء الجراحين فقال لازم تعملي عمليه عشان الابره بقالها فترة كبيرة.

والغريب انك ماحستيش بيها او عملتلك صديد فقالت له انا كنت بمشي واتحرك ومكنتش حاسه باي حاجه في رجلي وبعدها عملت العمليه ومجرد ما الدكتور سحب الابرة اتفتت فكان في حالة صدمة وقال الابره صدت واتفتت ازاي ماعملتش تسمم او غرغرينه دا كان ممكن رجلك لاقدر الله تتقطع.

وهي بتفوق من البنج شافت صورة الانبا كاراس وسمعت وهي بتقول تمجيده فتاكدت ان الانبا كاراس هو اللي خلاها تعرف موضوع الابره قبل ماتتسبب في غرغرينه.