وعد ربنا لك اليوم السبت 11 ديسمبر 2021
الحق والضلال
وَمَنْ يُقْبِلْ إِلَيَّ لاَ أُخْرِجْهُ خَارِجًا ( يوحنا ٣٧:٦ )
وفيه مين غير انت يارب نقدر نلجأ له ومين غيرك انت معاه البركة والحل لل مشاكلنا ومين غيرك انت فيه راحتنا
سامحنا يارب عشان كتير بنفكر نلجأ للبشر ونروح لفلان ونقصد فلان ونتكل على المناصب ووو الخ
لكن الحقيقة يارب مفيش غيرك انت وعمرك ما بترد حد يلجأ لك
سامحنا على تقصيرنا
سامحنا على اتكالنا على ذاتنا وعلى البشر
علمنا يارب نلجأ لك انت وحد
لأن مفيش غيرك انت انت اله خلاصنا
احنا عاملين زي الأبن الضال وانت يارب الاب المحب اللى دايما فاتح احضانك لينا
دايما منتظرنا
مهما عملنا مهما اخطأنا منتظرنا وواقف بتخبط على قلوبنا وبتقول افتح يا ابنى
ولما بنرجع بتقبلنا وبتنضفنا من اقذار العالم وبتلبسنا افرخ الثياب ثوب التوبة
ثوب النقاء والطهارة
جايين نصرخ لك أقبلنا وانتشلنا من كل خطية وكل حاجه واخدانا منك انت يارب
سامحنا على تقصرنا، جهلنا، بعدنا ، على قساوة قلوبنا
الهى انت اله الرحمة والحب
اقبلنا وسيج يارب حولنا حتى لا نعود ونرجع وننظر للوراء
اجعلنا يارب نستطيع ان نقاوم مغريات وشهوات العالم الحاضر
ارحمنا وقودنا انت يارب يا اله خلاصنا
امين يارب
وَمَنْ يُقْبِلْ إِلَيَّ لاَ أُخْرِجْهُ خَارِجًا ( يوحنا ٣٧:٦ )