رسالة صاعقة من الفنان مراد مكرم لدعاة الفتنة بين المسلمين والمسيحيين

علق الفنان مراد مكرم علي الفتنة الطائفية التي ارادت الفنان حنان ترك ان تنشأها بين المسلمين والمسيحيين في مصر بعد تصريحاتها المستفزة عن الاحتفال بالكريسماس وشراء شجرة الكريسماس والملابس الخاصه به وقال: يا مسليمين ،ما تحتفلوش بالكريسماس ما تعملوش شجر كريسماس في بيوتكم ما تحتفلوش براس السنه الميلاديه كل دي بدع.

واضاف: يا ميسحيين ما تحتفلوش برمضان ما تشتروش ولا تعلقوش فوانيس في بيوتكم ما تشتروش حلاوة المولد و الاعياد المصريه القديمه زي شم النسيم كفر ايوا كده الخطوة الجاي بقي يا حلو ما تتعاملوش مع بعض ما تشتروش من بعض والخطوة الي بعديها اكرهو بعض وولعوها ناااااار.

وتابع: كان غيرك اشطر يا غبي منك له احنا عايشين مع بعض بقالنا ١٤٠٠ سنه بنحب بعض و بنتخانق زي الاخوات ما بتتخانق فينا الوحش بس الاغلبيه حلوة و هم سر تألق مصر مهما حصلها من ظروف انتو الي مزبلة التاريخ ،و تبقي مصر قويه بشعبها مسلميها و مسييحيها ايد واحده ضد الجهل و التخلف و الغل والعملاء الي يوم الدين.

يذكر ان حنان ترك صرحت عن الاحتفال بالكريسماس من خلال حسابها الشخصي علي موقع التواصل الاجتماعي فيسبوك قائلة: بلاش صور مع شجرة الكريسماس وبلاش صور مع أي مظاهر معموله للاحتفال بالكريسماس وبلاش نشتري لاولادنا لبس في حاجة بتدل على الكريسماس او بابا نويل بلاش الكريسماس بالذااات ليه؟.

واضافت: عشان احتفال الكريسماس عيد ميلاد الرب يعني ضد ديننا وعقيدتنا اننا نحتفل بي بلااااش نحتفل بي ومتتكسفوش انكو تقولوا للناس مينفعش احنا كمسلمين نحتفل بالكريسماس {لم يلد ولم يولد} {وَقَالُوا اتَّخَذَ اللَّهُ وَلَدًا سُبْحَانَهُ بَلْ لَهُ مَا فِي السَّمَاوَاتِ وَالْأَرْضِ كُلٌّ لَهُ قَانِتُونَ}.