عم سعد لطارق علام أنا مسيحي علشان منضحكش على الناس وطارق علام يكسبه ١٠٠ الف

يبيع عم سعد توفيق لعب اطفال في محطة سفر مابين العباسية ومدينة نصر فجاء له الاعلامي طارق علام ليسأله احد الاسئلة حتي يفوز بالمئة الف جنية وبدأ الحوا كالاتي:

طارق علام: بتقعد لحد الساعة كام فقال له حوالي ٢ او ٢ ونص بتوكل علي الله اروح فقال في حد بيشتري منك ٢ ونص بليل فرد اه في زباين بتاخد مني فقال له هسالك سؤال وتبقي سعيد الحظ بنقول عليها ليلة القدر تفتكر اخر جندي انجليزي رحل عن عالمنا سنه كام ٥٦ ولا ٥٧ ولا ٥٨ فرد ٥٦ فعاد له السؤال مره أخرى فاجاب نفس الاجابة فقال له انت ظروفك الماديه عامله ازاي وعندك كام ولد وبنت فقال له ٣ بنات ٢ متزوجين وواحدة مخطوبه.

فقال طارق: واسمك ايه قال سعد توفيق الدس انا مسيحي مش مسلم عشان مانضحكش علي الناس فقال له طيب انا عرفت من اسمك ايه المشكله يعني فقال له عشان الناس تكون عارفة بس هنروح فين من ربنا فقال له مش في عيد فقال له اه كل سنه وانت طيب مسلمين ومسيحيين كلنا واحد فقال طارق علام قولنا متي رحل اخر جندي انجليزي فقال له عام ١٩٥٦ فقال له اجابه صحيحة عم سعد هيرجع معاه هدية كبيرة شعب واحد اهل واحدة انت حبيبي وانا حبيبك فقال عم سعد ربنا يزيد المحبه اهم شئ عندنا في الانجيل طول ما في محبه طول ما في خير عم سعد كسب ١٠٠ الف جنية فباس كتف طارق علام من فرحته.

فقال له طارق علام هتعمل ايه بالفلوس دي فقال له هديها لعيالي انا بعمل عشانهم كل حاجة وبنتي المخطوبة هتتجوز كمان سنه انشالله.