تفاصيل مصرع الشاب القبطي المختفي مينا نظمى

القي مصرع الشاب القبطي المختفي مينا نظمى اثر وقوعة في البحر وكشف مصدر مقرب من خلال حسابة الشخصى على موقع التواصل الاجتماعي فيسبوك تفاصيل مصرعة قائلا:الى كل اخوتى واخواتى بالتواصل الاجتماعى متشكرين خالص جزيل الشكر على تعب محبتكم بالنسبه لابن البركه ابن اخويا الغالى / مينا نظمى اللى كان مختفى هو الآن انتقل الى الامجاد السماويه صلوا من اجل اهله الرب يعطى تعزيه سمائيه ليهم.

واضاف: الكل بيسأل ازاى كان مختفى ولقيتو ميت السبب ياجماعه انه بيعدى الكبرى داخ وقع فى البحر وكان لازم الصلاه عشان ربنا يتمجد ونعرف مكانه والرب اختاره وعرف اهله مكانه لأنهم تعبوا من كتر انهم بيدوروا من غير نتيجه وسبحان الله يطلع يوم ميلاد الرب يسوع يعنى ولاده تانيه الرب يعطى صبر وتعزيه سمائيه لاهله.

واقيمت صلاة الجنازة علي روحه الطاهره اليوم باسيوط جدير بالذكر ان السوشيال ميديا انقلبت بالبحث عن الشاب القبطي المتغيب مينا نظمي نبيل سامي الذي تغيب منذ يوم السبت الماضي الموافق ٢٠٢٢/١/١ وتداولوا صورته الشخصية وعلقوا عليها قائلين: مينا نظمي نبيل سامي متغيب من يوم السبت 1/1/2022 اي حد شافه ياريت يرن علي الرقم ده 01211906081.

وقال شقيقة من خلال صفحتة الشخصية علي موقع التواصل الاجتماعي فيسبوك: ياجماعة اخويا مينا نظمي متغيب من يوم السبت الساعة ٦ الصبح ولحد دلوقتي مش عرفين هو فين ياريت الي يعرفو فين يكلمني علشان اطمن علية بعد ازنكم ده رقمي ٠١٠١٦٣٠٨٦٦٩ كلموني في اي وقت.

نصلي ونتضرع للرب الإله ببركة ميلاده العظيم وببركة العذراء ام النور وببركة رئيس الملائكه الطاهر ميخائيل وجميع الشهداء والقديسيين من أجل سلامة وعودة مينا نظمي ألي أسرته.