استغاثة عاجلة لمريم ايوب شفيق بعد اعتداء زوجها عليها وقطع لسانها وتشويهها

نشرت الاستاذة بسنت عاطف حنا ميخائيل حنا من خلال حسابها الشخصي علي موقع التواصل الاجتماعي فيسبوك صور صديقتها وروت مشكلتها التي تعرضت لها قائلة: التي امامكم هي مريم ايوب شفيق اولا دي بنت زاي اي بنت كان نفسها تتجوز وتعيش حياة طبيعيه مريم عشرة وصحبتي من سنين انا ووالدتي معملتش اي حاجة غير انها اتجوزت !!.

واضافت: اتجوزت واحد شيك جدا وشغال في شركة محترمه والشكل انو ابن ناس ومحترم ومتعلم فجأة بعد الجواز اكتشفت انو بيتعاطي مخد رات فقررت علي الفور انها تبعد وترجع بيت اهلها وطبعاً زوجها ماهر عادل حنا جرجس قرر انه مش هيسيبها في حالها وهيعمل اي حاجة يدمر بيها مستقبلها وحياتها.

وقرر ماهر انه للمرة الالف يقطعلها وشها وقطعلها جزء من لسانها وعملها كسر اكتر من مرة وحلقلها شعرها بالموس من سنتين وشوه وشها اكتر من مرة وعملت عمليات تجميل كتير ولم يكتفي بذلك بل قرر ان يخطفها ويكتفها في السرير باحبال واعتدي عليها بالضرب وحاجات تانيه.

وحتي الان لم يعود حقها لذلك ناشدوا المسئولين مريم متستاهلش كل دا مريم تستاهل تكون بخير لازم نساعدها ونحميها لان زوجها بيروح يعمل محاضر في كل مكان وماشي باوراق مزيفه اوراق اسلاميه مزيفه علشان في اي قسم يساعدوة وبيدفع رشاوي لكل الامناء علشان يقدر يحبس اخواتها الموضوع بقي مرعب.