الملاك ميخائيل يستجيب لرجل وزوجتة ويعطيهم طفلا بعد اربع سنوات
يقول: انا متجوز بقالي 4 سنين وبعد لف كتير مع الدكاترة وكان حصل حمل لزوجتي بس نزل ف الشهر التاني وقالو لازم عملية حقن مجهري والموضوع متاخر وصعب جداااا ولازم العمليه بعدين قولنا احنا مشينا مع الدكاترة نسيبها ماشية ببركة ربنا وهو اللي هيرشدنا للصح لحد ما شوفت صفحه استاذ جميل ومعجزات الملاك ميخائيل وطلبت منه انه يصليلي ويضع ليا طلبه علي مذبح الملاك وفي نفس الوقت رد عليا وقالي مبروك في طفل.
واضاف: وبالفعل تاني يوم عملنا تحليل وفعلا الملاك ميخائيل استجاب وربنا يكمل معانا بخير بركة الملاك ميخائيل تكون معنا جميعا ربنا عطاياه تفوق الخيال هو عنده كتير هو احن من اي حد خليكم ماشين مع ربنا هو الطريق الصحيح للسعادة الحقيقة.
وفي جانب اخر فى يوم ٢٠١٩/٧/٢٤ ظهر رئيس الملائكة ميخائيل بكفر سمري منيا القمح الساعة الواحدة فى منتصف الليل واستمر حتي صباح اليوم التالى وتروى لنا السيدة سهير لويس جرجس والسيدة زيزيف عادل انيس ماحدث يومها.
فقالت سهير المقيمة بعزبة النخل بالقاهرة انهم كانوا فى خلوة روحية وبعد التسبحة ذهبوا للنوم وفضلت نايمة للساعة ١ وقالت فى نغسها نفسى اشوف الملاك ميخائيل ولقت فجاءة حاجة بتصحيها وعندما خرجت رأت الملاك ميخائيل بمنظر كامل وواضح جدا وكانت أجنحته كبيرة.
ومن كتر اندهاشها تسمرت مكانها وصوتها انحاش ٥ دقائق وكل ماتفعلة هو البكاء من الفرحة وكانت مدام زيزف المقيمه بمنيا القمح فصحيتها من النوم وخليتها تخرج فى البلكونة حتى ترى الملاك ميخائيل وبالفعل رأتة ظاهر على المنارة جنب الصليب بأجنحة طويلة جدا وكل مايزرغطوا يفتح أجنحته ويضمها وآخر حاجة لقوها هو ان الملاك ميخائيل طار من على المنارة وشافوا مظهره زي حمامة.