الحزن يخيم علي الاهالي بعد وفاة عروس المسيح مارينا عادل بعد زفافها ب ٤ ايام
وقال الأهالي إنهم سمعوا صرخات واستغاثات وباستطلاع الأمر تبين سقوط العروسة مغشيا عليها وتم تشييع جثمان العروس في جنازة مهيبة شارك فيها حشد غفير من سكان القرية والقرى المجاورة وكتب ابن عم العروس عبر صفحته الشخصية على موقع التواصل الاجتماعي فيسبوك: ربنا يصبرنا علي فراقك يا بت عمي انتقلت إلى الامجاد السماويه عروس المسيح بنت عمي عادل ابو شنب الصلاه بكنيسه مارمينا الوراق الساعه 10صباحا والمدافن بمدافن العائله بالفيوم والعزاء الساعه الخامسه بنفس الكنيسه.
بحد احنا في زمن الاختطاف عروس المسيح يا بختها يا هناها راحت عند إللي فداها اذكرينا أمام عرش النعمة صلوا من اجل عم عادل ابو شنب واسرتها ومحبيها واصدقائها سافرت السماء بعد زواجها ب 4ايام.
الموت هو الحقيقه الوحيدة اللي يومياً بيثبت ان الحياة ملهاش قيمه الموت هو افضل عظة للتوبة الموت رغم انه بيوجعنا على غيرنا بننسى تماما ان بكره هايوجع غيرنا علينا ساقية بتدور ومازال بيخطف الناس الحلوة اللي هاتوحشنا قعدتهم ولمتهم والكلام والضحك معاهم.
هايوحشنا حضنهم وسؤالهم وطبطبة ايديهم هايوحشنا اسمهم اللي بيظهر على الموبايل وابتسامتهم اللي بيقابلونا بيها.وبالرغم من كل الوجع فيه حتة نور بتقول ليس هو موت لعبيدك بل انتقال والمنتقليين مابيمتوش بيفضلوا عايشين في كل حتة فينا في كل مكان بنروحه بيحسوا جدا بينا وبيفرحوا بنجاحنا وبيحزنوا لتعبنا عزي يارب كل نفس بتتألم واملاها تعزية وفرح ويقين ان الاموات احياء في سماء لا تعرف الموت.