الفتاة القبطية مريم عادل تتعرض للتحرش وتروي التفاصيل ومافعلتة مع المتحرش
واضافت: انا اتعرضت لموقف تحرش في شارع و كان جنب بيتي بتوقيت الساعه ٦:٣٠ مساءا كنت ماشيه و حسيت بعجلة جاية من ورايا وكنت حاسه انها قريبة مني فا جنبت و لسه بجنب و لقيت الحيوان المريض اللي علي العجله جنبي و مسكني من فوق من عند الصدر زعقت و طلعت اجري وراه.
وتابعت: من ستر ربنا لقيت حد كان قريب منه قولتله وقعه من علي العجله و وقع علي تاكسي والناس اتلمت ومسكوه وخليت حد اتصلي بالشرطه واخدته علي بندر المنيا عملتله محضر وصورته وبنزل كل ده عشان لو حد شافه في شارع يخلي باله أو عشان لو في أمثاله في الشارع بقولك متسكتيش و خدي حقك و اوعي تخافي أوعي تتكسفي ده حقك و هيفضل حقك مهما حصل وعشان كان حقي ربنا فعلا مسابنيش ووقفلي ناس خلتني اعرف امسكه و اعمله المحضر.
وعلق رواد السوشيال ميديا علي مافعلتة قائلين:
انا معرفكيش بس حقيقي برافو عليكي و على جرائتك ربنا يحميكي انتي واللي زيك يااااارب برافو
امشي ف طريقك القانوني للاخر لحد ما ياخد حكم قانوني ومتتنازليش ابدا مهما كانت العواقب ومتخافيش ابدا انتي ع حق عشان الامور دي متتكررش تاني ليكي كل الدعم والتشجيع
برافو عليكي انك رمتيه في الحبس اسفة انك اتعرضتي للموقف ده يامريم تتكسر ايده ان شاء الله