طلب صلاة من أجل ابونا موسي حبيب الانبا رويس وصديق القديسة رفقا
وابونا موسي صموئيل من مواليد 1941ويبلغ من العمر ٧٩ سنة ده اب كاهن بس مش زي اي اب كاهن دا جابر للخواطر وعمره ماذعل حد منه ولا كسف حد ابدا حتى الاطفال بيعمل ليهم خاطر ويقول احد ابناء الكنيسة امونيوس الانبا رويس: انتو متخيلين انه ابونا ده بيركب مواصلات لحد دلوقتي في زمن انه مفيش دلوقتي اي اب كاهن الا ومايكونشي معاه عربيه بتاعته او حتي بيجيب عربيه مخصوص بيتحرك بيها.
واضاف: طيب انتو متخيلين انه لما بينزل من كنيسته اللي هي في قمولا وبيته اللي هو في صوص بيتمشي لحد ماربنا بيبعتله مواصله في الطريق او حد يتكرم عليه ويقافله اذا كانت بقي عربيه او حتي موتسكل او اي وسيلة مواصلات حتي والناس اللي مش مصدقه انا عن نفسي كنت بوصله بالموتسكل متستغربوش.
وتابع: انتو متخيلين واحد في سنه بيروح قنا او لقصر او اي مشوار مواصلات لا كمان ده كله كوم ونظرات الناس ليه دي كوم تاني وده انا شفته بعيني لما قبلته صدفه في الاقصر ونزلنا مع بعض طيب انتو متخيلين انو ابونا ده بينزل يوم واحد بس في الاسبوع علشان يشوف زوجته واولاده وممكن ماينزلش خالص كمان ولما بنقوله اقعد في بيتك شويه وارتاح يرد ويقول انا بيتي هي كنيستي مش برتاح غير فيها.
واختتم: طيب انو متخلين في وسط المرض والكورونا وكل واحد خايف علي روحه وعلي نفسه في ناس تعبانه بتبعتله علشان يصليلها وهو مابيتردتش دقيقه واحده ولما بنسأله ونقوله ياابونا ماتروحش لحد علشان كورونا هو يرد ويقول ماقدرش حد يبعتلي ومرحلهوش.