بتصارع الموت بقالها اسبوعين شقيق نجلاء يوسف يطلب صلاة عاجلة من اجلها
واضاف: بطلب من كل حد يعرفني انه يرفعها في صلاة محتاجين صلاتكم كلكلم أختي بتصارع الموت بقالها اسبوعين هي دلوقتي في غيبوبة مش عارفين هاتمتد لإمتى أنا مدرك تماماً انها لو قامت هاتكون معجزة وهاتكون من الـ٣٠٪ اللي بيعيشوا.
وتابع: لكن انا طالب منكم تصلوا معايا علشان المعجزة تحصل وماتبقاش من الـ٧٠٪ اللي بيموتوا نفس القوة اللي اقامت يسوع من الموت تقدر تقومها وتديها حياة جديدة واختبار نشهد عنه أرجوكم اتحدوا معايا في صلاة إن الرب يتمجد ويشفيها.
عايزين الكل يطلب ويصلي من اجل نجلاء محتاجين صلاه ومحتاجين طلبه من القلب ونقول يارررب اتمجد ومد يمينك واصنع معجزه مع ابنك وريه مجدك خليه يقول ان مفيش زيك وخلينا نشعر انك انت الاله الاول والاخر وانت القوي.
عشمانين في رحمتك يارب وحنيتك علي انه ترجع تقوم تاني اسمع صلاتنا وصرخنا ملناش غيرك الطبيب والدوا صلوا من فضلكم الصلاه تصنع المعجزات ايها الرب الطبيب الأعظم اليك نأتي بكل ثقة وتواضع واثقين بعظمة رحمتك وعمق حنانك بالأخص على المرضى والمتألمين نضع بين يديك ابنك المريض راجين من جلالك ان تلمسه بيدك الحنينة لمسة الشفاء فقد قلت تعالوا إلي أيها المتعبين والثقيلي الأحمال وأنا أريحكم.