والد مينا يكشف حقيقة اصابة ابنه باضطراب نفسي وتناوله اقراص للاكتئاب

قال مصدر امني أن الشاب مينا كان يعاني من بعض الاضطرابات النفسية والعصبية وحالات اكتئاب وضعف في الإبصار بسبب ضمور بخلايا المخ منذ ولادته وهذه الاسباب كانت السبب في موته.

فعلق والد مينا عبد السيد علي هذا الكلام من خلال تصريح له قائلاً: نافياً تعاطي ابنة اي عقاقير ضد الاكتئاب او انه كان مضطرب نفسياً ونظرة ومستوي الرؤيه عنده سليم ( و لايعاني من اي مشاكل نظره ممتاز) وبالفعل كان منذ ستة سنوات مشتكياً وأبلغ بذلك وكيل النيابه وكانت هذة مجرد شكوى بسيطة وانتهت نهائيأً.

جدير بالذكر انه جاء رد فعل الاقباط علي هذا الكلام كالتالي:

حرام عليكم كفايه بقى هو في مكان احسن بكثير من الارض هو في السماء ده قديس ربنا يعزي قلب مامته وباباه وبعدين اللي في قلبه المسيح يبقى ما عندوش اكتئاب خالص

وايه كمان قصدك يعنى انتحر وحرق نفسه وبعد ما اتحرق رمى نفسه فى البلاعة والهى ماحد مريض نفسى غير اللى بيقول كده وايه تانى يابلد انسان علاقته بى ربنا حلوة عمره مايعمل كده وكمان بكالوريوس يعنى انسان فاهم وناضج وبيشتغل يعنى مسئول ربنا قادر يجيب حقه ويظهر الحقيقة

مينا ربنا هيجبله حقه لأنه احنا منتظرين حق مينا من السماء ولا ننتظر حق علي الارض لان الارض أصبحت أرض الشر بلا حق عادل ربنا يصبرنا ويصبر الاهله

حد يقولنا المصدر الأمني ده يا جماعه اللي عارف عننا كل حاجه كده يعني اصبح المعتاد والمعروف في مثل هذه القضايا ان القاتل والمقتول مرضي نفسيين طب يا عم المصدر الأمني تعالي شخصني قبل ما أموت وقولي حالتي النفسيه اخبارها ايه عاوزه اطمن علي نفسيتي واطمن اهلي عشان ميتصدموش بعدها

كفايه استخفاف بقي بمشاعر الناس اللي فقدت عزيز ليها انكم تجرحوا في موتاهم بالشكل ده في العاده مش برد علي مثل هذا الكلام بس خلاص لقد طفح الكيل