شقيق مينا عبد السيد يوجه رسالة جديدة لشقيقة

كتب بيشوي عبد السيد شقيق الملاك مينا عبد السيد الذي تم مقتلة عبر صفحته الشخصية على موقع التواصل الاجتماعي فيسبوك:وحشتني يا حته منى وحشتني يابني وحشتني يا أخويا وفعل هشتاجات:

مينا_عبد_السيد

اخويا_عريس_السما

حق_مينا_لازم_يرجع

حق_مينا_عبد_السيد_لازم_يرجع

شفيعي_مينا_عبد_السيد

اخويا_عريس_السما

عاوزين_حقنا

وبشهادة الجميع فان مينا عبد السيد كان ملاك علي الارض ومن بينهم أبونا ديماس نادر كاهن كنيسته قال عبر حسابة الشخصي علي موقع التواصل الاجتماعي فيسبوك: إبني وأخي الحبيب Mina Abd Alsaid عمري ما كتبت لحد بعد ما رحل عن عالمنا الارضي الفاني ولكن هكتب علشان إفتكر المشاعر و الافكار إللي كانت جوايا في اليوم دة هحتاج إفتكر كل سنة تمر عليا إني ابقي مستعد للقاء الله لأني ما عرفش لا اليوم ولا الساعة ولا الطريقة عرفنا إنك اتنيحت في نفس يوم تذكار العدرا مريم وليكن تذكارك الي الابد يمكن كنت بسيط جدا في تعاملاتك وكان نفسك تخدم أي خدمة وفعلا إنت خدمت في ٤~٥ أيام خدمة يمكن محدش خدمها في سنين طويلة خليتنا نصلي في بيوتنا ونطلع نصرخ علي المذبح خليتنا نجتمع علي قلب رجل واحد ودي حاجة مش بتحصل كثير!!

أكثر حاجة وجعاني فراقك أسئلتك إللي كنت بتسألها وعايز تفهم بساطتك ابتسامتك يا بختك عرفت إجابة كل أسئلتك كنت علي الارض تنظر في مرآة، في لغز، لكن الآن وجها لوجه كنت تعرف بعض المعرفة لكن الآن عرفت كما عرفت كنت بتسألني بس دلوقتي أنا إللي محتاج اسألك كنت بتطلب صلاتي ليك لكن دلوقتي أنا إللي محتاج إنك تصليلي هكذا يكون الآخرون أولين والأولون آخرين، لأن كثيرين يدعون وقليلين ينتخبون (مت ٢٠ : ١٦) لكن ما ينفعش نبقي انانيين في حبنا ليك ما ينفعش تبقي إنت رايح مكان الراحة وإحنا نقولك خليك في ارض الشقاء.