الهجوم على قبطى كتب مقال مستفز يتهم الكنيسة بالتسبب فى انتحار ماريان

كتب الاستاذ عماد وليم عبر حسابة: وفي نهاية عيد الحب وسنينه واللي جابوه ؟؟ جائني الآن هذا الخبر الصادم وأرجوا التحقق منه والرد شخصياً من مطرانية شبرا الخيمه ماريان ملاك بنت عندها ٢٤ سنه شابه رقيقه وجميله من لحظات قليلة أنتحرت من الدور الثامن من برج بمنطقة شبرا الخيمه حتي الآن لم يستوعب عقلي ويصدق.

واضاف: هذا الانتحار المفاجئ إيه اللي يخلي بنت بالجمال ده والسن ده تنتحر وتأخد القرار القاسي الفظيع ده وتنهي حياتها بالشكل البشع ده الذي لا يصدقه عقل ولا قلب ؟؟ الله وحده اللي يعلم كم الضغوط النفسية والألم والأذى اللي مرت بيه تلك الفتاه حتي تأخذ هذا القرار البشع ده ؟؟.

ماهي الاسباب الحقيقه التي جعلت تلك الفتاه وهي في مُقتبل هذا العمر أن تنهي حياتها بالشكل ده ؟ هل السبب الأسره ؟
هل السبب الأفتقاد ؟ أم السبب الكنيسه ؟
ومش عايز أقول أكتر من كده من أسباب
لاني أكيد فيه أسباب كتير وأيً كانت الأسباب : كيف نترك تلك الفتاه حتي تصل لهذه الدرجه من الأكتئاب النفسي الرهيب الذي جعلها تفكر في هذا القرار الفظيع ؟؟.

أطالب الكنيسه والمطرانيه بتأكيد هذا الخبر أن كان صحيحاً أو تكذيبه أن كان كاذباً مع أني لا أعتقد أنه خبر كاذب بل صحيح

فلابد وفوراً :
* معرفة الأسباب الحقيقيه والدوافع حتي لا يتكرر هذا الأمر مع فتيات أو شباب آخرين مع العلم إذا لم يقوموا الأباء الكهنه بدورهم علي أكمل وجه في هذا الأمر وفي أمور كثيره تحدث لبناتنا وشبابنا فعليهم أن يستقيلوا جميعاً من خدمتهم ورعيتهم لأنها مش وظيفه بل خدمه وأمانه وافتقاد للشعب القبطي .

لأن دور الرعيه في غاية الأهمية لأنقاذ أسرنا وبناتنا وشبابنا من الضياع واحتوائهم قبل أن تحدث تلك المصائب وكلمه لكل أسره : أحتوووه بناتكم أرجوكم ولا تتركوهم لحظه واحده وخاصة أن هناك الكثيرون يظهرون في صورة حملان وديعه وكلام معسول ويتظاهرون بمحبتهم لنا والغزل فينا عمال علي بطااال ليل ونهار وكل وقت .

وأحنا مع الأسف بمنتهي السذاجه بنصدق
ونهلل لهذا الكلام بطيبتنا الزايده عن اللزوم
ومش عايز أقول لدرجة الهبل مش السذاجه وبس ؟ وطبعاً ده كله أسمها محبه زائفه اللي من ورا القلب تماماً والا كان هؤلاء دخلوا المسيحيه علي الفور وندعوهم لها ويتنصروا بالمره ؟؟؟ ولكن معروفاً جداً اللي فالقلب قالقلب يا أقبااااااط مصر ( فاهميني طبعاً ) ؟؟ .

فالبنت لو ملقتش الحنيه والأهتمام في بيت أبوها وأمها وأسرتها والرعايه والأفتقاد فالكنيسه هدور عليهم في حته تانيه وخاصةً الغرباء أو تقرر الأنتحار أو تعقد نفسياً ومعنوياً وتصل الي درجة الاكتئاب
فأحذروووا من فضلكم وكلمة لأسرة ماريان تحديداً إلي هذا الحد تتركوه أبنتكم لهذا المصير والقرار الصادم الرهيب

مره اخري نرجوا تأكيد الخبر الذي وصلني الان ونريد أن نتأكد منه وخاصة من مطرانية شبرا الخيمه وعلي رأسهم مطران شبرا الخيمة نيافة الخبر الجليل الأنبا مرقس . ما هي الحقيقه بالظبط
وليه ماريان أقدمت علي ذلك الانتحار وهي زهرة شباب ؟ وايه اللي بيحصل في أسرنا وبناتنا ؟؟ . فوقوا بقه من فضلكم يرحمكم الله .

فجاء هجوم علية من الاقباط قائلين:

مال الكنيسه و مال اللى بينتحر ملايين مابتروحش الكنيسه اصلا و مئات الالوف ملحدين و ما بينتحروش بلاش نتلزق فى الكنيسه فى كل صغيره و كبيرة حكايات زى دى بتبقى فرصه لكل كارهى الكنيسه يقطعوا فيها الاقباط مواطنين فى دوله هى مصر و الدوله مسئوله عن كل مواطنيها مهما كان دينهم

ايه الكلام الفاضي اللي كاتبه صاحب البوست ! طبعا لازم معرفه اسباب انتحار فتاه صغيره و محاوله توعيه الاسر و علي الكنيسه اعطاء اهتمام اكبر اهم في هذا السن المهم

بس يعني ايه يستقيلوا دي ؟؟؟؟؟ واضح ان اللي كاتب البوست عايز بس يمسك غلط ع الكنيسه ربنا يهديه و يبعد الذئاب المفسده للكروم

ربنا يرحمها ويعزي اهلها ويصبرهم مصيبة كبيرة فعلا مع احترامي لحضرتك هو ليه كل مصيبة نحشر الكنيسة والخدام في الموضوع سيبوا الكنيسة في حالها هي فيها اللي مكفيها و سيبوا الخدام في حالهم بردو

ياريت بلاش نرمي كل حاجه عالكنيسة أو الخدام الكنيسه مش هتفرض علي حد أنها تتكلم ومن الأساس مبدا الانتحار غلط بدل ما حضرتك ترمي عالكنيسة أو البيت المفروض تقول نعمل توعيه عن الانتحار أسبابه ودوافعه ونحاول نفهم الشباب مهما كانت الضغوطات أو الأسباب نفتكر أن في ربنا اهم من اي شئ وحاجه أخيرة اقولها لحضرتك لا تدينو لكي لا تدانو ربنا يصبر اهلها وكل محبيها