ننتظر عدالة السماء اول تعليق من شقيق مينا بعد اظهار نتيجة التحقيقات
وفي جانب اخر رد الاستاذ امير كمال خال مينا عبد السيد علي جميع الاسئلة التي تدور في دماغ الجميع من خلال صفحتة الشخصية علي موقع التواصل الاجتماعي فيسبوك قائلا: شوية اجوبة على شوية اسئلة اتسألناها الهاشتاج بتاع الشهيد مينا انتشر اذاى؟ عشان احنا عيلة كلنا على قلب بعض عيلتنا كلها شيرت الهاشتاج وبعد كده اصحابنا.
واضاف: موضوع مينا نام ليه؟
لان فيه جهات معينة بتلعب على اسلوب الشعب المصرى (موضوع هياخدله يومين دوشة ويتنسى ذى اى موضوع)
قضية مينا وصلت لحد فين؟
ولا اى حاجة الجهات الرسمية تحقيقاتها بطيئة جدا لسبب غير معلوم
انتو شاكين فى مين؟
سؤال يجاوب عليه جهات التحقيق إن وجدت
طب ايه اللى تم فى تقرير الطب الشرعى النهائى؟
لسه منعرفش اى حاجة عنه لسبب برضه غير معلوم
طب ايه الاجراءات القانونية اللى خدتوها؟
عملنا توكيل لمحامى يتابع التحقيقات
مينا بقاله قد ايه متوفى؟
من يوم 29/1/2022 لحد النهارده 15/2/2022
دى تقريبا كل الاسئلة اللى اتسألناها من الناس المهتمة بقضية مينا احنا كلنا امل بعد ما خلصت شوشرة احداث الطفل ريان رحمه الله واحداث الرياضة وانتخابات نادى الزمالك وخناقات مرتضى منصور وانتصارات الاهلى نسمع اى تقدم فى حادث مينا شكرآ لعيلتى مع انى عارف انها مش محتاجة كلمة شكر شكرا لكل الناس اللى اهتمت وشيرت وعملت جروبات على الفيس بوك وتويتر واليوتيوب وعلى امل انى اشكر جهات التحقيق على جهودها فى اظهار حق الشهيد مينا.