أندرو ميشيل مات وقلبه موجوع بسبب تنمر اصدقائة عليه ووجه لهم رسالة قبل موته

( كتبت روجي فادي )

ظهر اندروا ميشيل في فيديو مؤثر له وهو بيشتكى تجاهل الناس وتنمرهم عليه بسبب ظروفه الصحية وتقل لسانه في نطق الكلام وإدانتهم ليه وقال ان معاملة اصدقاءة ليه في كنيسة العذراء جعله لم يذهب مرة أخرى للكنيسة وقال لهم معدش هتشوفوني تانى ولا هتسلموا عليا انا خلاص هموت اللي عاوز يسلم عليا يجي يسلم وانا في الصندوق وسافر اندرو للسماء وبرده الناس مستمرين فى الإدانة والتجاهل والدرس كان اندرو لما قال انتم متعرفوش اللى جوايا ومفيش حد فينا عارف اللى جوه قلب حد.

أندرو مات وقلبه موجوع وهو هناك في مكان احسن بكتير فيه رحمة عن هنا مش لازم نعرف تفاصيل ظروفه بس خلاصة الكلام كل واحد اتظلم ربنا شايله إكليل وهيأخد حقه وكل ظالم هيتحاسب يوم الدينونة أمام الديان العادل ياريت رسالة اندروا تكون وصلت للعالم عديم القلب والرحمة والإنسانية.

وكتبو احدي صديقاته عبر صفحتها الشخصية بموقع التواصل الاجتماعي فيسبوك قائلة : احنا اسفين يابني حقك علينااحنا اللي وحشين مش انت و قلوبنا مش حلوة زيك دمك هيطلب من كل واحد فينا يوم القيامة ومش انت بس كل اللي زيك بس انت ملاك طاير دلوقتي في السما انت احسن مننا و هتقدر تسامحنا و تصليلنا باي باي يا حبيبي.

كنت كل لما تشوفى تيجى تسلم عليا وتقولى وحشتيني مش بشوفك لى حته انتى مبقتيش تنزلى الكنيسه انزلى علشان اشوفك المره دى أنا إلى هاجى اسلم عليك حقك عليا لو قصرت فحقك احنا إلى وحشين مش انت صدقنى احنا إلى قلبنا وحش مش انت انت قلبك ابيض مش احنا.

وكانت صلاة الجنازة اليوم علي روح عريس السماء اندرو ميشيل الساعة 2 ظهرا من كنيسة القديسة بربارة بالشرابية .