ابو سيفين يظهر لراهبتين في قطار الصعيد ويجعل الركاب في حالة ذهول
كان هناك راهبتين من دير ابو سيفين القديس مرقوريوس فى مصر القديمة احدهم تملآها نعمة الرب وكرست حياتها له من زمان ومازالت حتي الان موجودة اما الراهبة الثانية فهي راهبة كبيرة فى
السن وارسلهم المسيح للتبشير وتروي الراهبة ماحدث معهم وتقول انه منذ ٣٠ سنة كانوا في طريقهم للصعيد وتوقف القطار بسبب ان قطار اخر عمل حادثة وكان وقتها نصف الليل.
وكان لازم ينزلوا فى ظلام الليل ويغيروا الى قطار تانى رايح الصعيد والراهبتين مكانوش عارفين هيقدروا يتصرفوا ازاى وكل الركاب نزلوا بسرعة والراهبة الشابة بصت من القطار على الشارع المظلم وفجأة لقيت راجل معاه فانوس بيقولها خلى بالك وانت نازلة ياامنا ناولينى الشنطه بتاعتك ونور لهم سلالم القطار والراهبة ساعدت الراهبة الثانية فى النزول من القطار .
والرجل كان بيطمئنهم طول الطريق ويقولهم ماتخافوش القطار مش هايمشى من غيركم وكمان هتلاقوا مقاعد وكل حاجة هتبقى تمام ولما وصلوا القطار الثانى الراهبة الصغيرة ركبت وساعدت الراهبة الثانية تركب والراجل ركب معاهم القطار كان منور وشكل الراجل كان واضح كان شكله مهدب ومبتسم .
ولما بدأ القطار يتحرك الراجل اللى وجهه منور وباين عليه النعمة قال لللراهبتين يقعدوا فقدمت له الراهبة الكبيرة الشكر قائلة احنا بنشكرك جدا عمرنا ماهننسى جميلك ده احنا نتمنى انك تيجى تزورنا في دير ابو سيفين القديس مرقوريوس فى مصر القديمة فكان القديس ابو سيفين واختفى فانذهلوا الركاب مما حدث وفضلوا يسالوا راح فين الراجل اللى كان لسه بيتكلم ؟ مين هو ابو سيفين ؟.