الهام شاهين تروي معجزة ظهور العذراء مريم لوالدتها وشفائها
روت الفنانة الهام شاهين خلال لقائها في البرنامج اللبناني انا والعسل معجزة شفاء والدتها علي يد السيدة العذراء مريم وقالت للمذيع اولاً السيدة العذراء ليها عندي مكانه خاصة ولو فتحت شنطتي هتلاقي صور ليها لانني لا امشي في مكان دون ان تكون صورتها معي وفي البيت كمان معلقه ليها صورة.
واضافت الهام شاهين: العدرا ربنا اختارها فوق كل نساء العالمين وهي قيمة عظيمة جدّاً للبشرية كلها والمعجزة التي حدثت مع والدتي هي : أنا كنت بسجل برنامج في بيروت وماما كانت مريضة جدّاً وكانت نايمة في السرير ومكانتش قادرة توصل لغاية الحمّام ودعيت من قلبي لأمّي ان تشفي وأنا بحس إن دا بيت من بيوت الله.
وطلبت من ربنا يعني في مكان طاهر فحسيت في اللحظة دي إني قريبة من ربي وصادقة جدّاً وفوجئت في اليوم التالي الصبح بسؤال من ماما: أنتي كنتي فين إمبارح؟ فقلت لها؟ ليه؟ قالت: حسيت حاجة بيني وبينك وحلمت حلم غريب مش عارفة إن كنت نايمه أم صاحيه وماما لا تؤمن بالكلام دا خالص وماما نقدر نقول مسلمة متعصبة جداً للإسلام.
وقالت والدتها الحلم وهو : حلمت إني أنا بيتعملي عملية وشايفه العدرا قدامي شايفة نور على الحيطة بتاعة الأوضه شايفه وش العدرا منور على الحيطة بالليل وحاسه إني كنت صاحيه وبعدها عيني راحت في النوم وحلمت إني بيتعملي عملية في الكيس الدهني في وجهي وحد بيمسح لي بقطنه في وجهي وبينزل لون أبيض زى اللبن وفي الصباح استيقظت ودخلت الحمام لتستحم وعندما نظرت لم اجد الكيس الدهني ومكنتش بتحرك وتحرقت وقد رأت أثر لحقنة مخدرة.